更多
2021-09-08
143 浏览
讲到香港经典平民美食,点少得车仔面!我本身好钟意食车仔面,贪佢灵活多变,丰富嘅配料、特色汤底、秘制辣汁,就成为一碗经典港式美食。呢间郭仔记除咗有车仔面之外,仲有饭供应,迎合埋一班「米饭兵团」!陈皮鱼蛋陈皮鱼蛋简直系我嘅至爱,但而家真系越嚟越罕见…新鲜鱼肉搭上甘甜嘅陈皮味,真材实料,口感结实弹牙,好有香港街头小食风味!车仔面一碗嗌咗净𩠌,配料点咗萝卜、贡丸、猪肠同埋猪扒,配上腩汁加上秘制辣汁。萝卜清甜无渣,猪肠入味有𡁻头,加埋秘制辣汁,惹味又开胃,唔错!另一碗就拣咗米线、金菇、凤爪、冬菇同埋金钱肚,并以鲍汁为汤底!凤爪软淋入味,口感一流;冬菇大而厚身,浑圆饱满;金钱肚卤得够味,炆得够腍…椰汁红豆冰红豆大大粒,软绵松化,椰汁飘香扑鼻,而且唔太甜,啱晒我口味!整体味道唔错,而且每样配料都炆得非常入味!另外,钟意食辣嘅一定要加佢个辣汁,真系好惹味,非常推荐!
呢间郭仔记除咗有车仔面之外,仲有饭供应,迎合埋一班「米饭兵团」!
陈皮鱼蛋
陈皮鱼蛋简直系我嘅至爱,但而家真系越嚟越罕见…新鲜鱼肉搭上甘甜嘅陈皮味,真材实料,口感结实弹牙,好有香港街头小食风味!
车仔面
一碗嗌咗净𩠌,配料点咗萝卜、贡丸、猪肠同埋猪扒,配上腩汁加上秘制辣汁。萝卜清甜无渣,猪肠入味有𡁻头,加埋秘制辣汁,惹味又开胃,唔错!
另一碗就拣咗米线、金菇、凤爪、冬菇同埋金钱肚,并以鲍汁为汤底!凤爪软淋入味,口感一流;冬菇大而厚身,浑圆饱满;金钱肚卤得够味,炆得够腍…
椰汁红豆冰
红豆大大粒,软绵松化,椰汁飘香扑鼻,而且唔太甜,啱晒我口味!
整体味道唔错,而且每样配料都炆得非常入味!另外,钟意食辣嘅一定要加佢个辣汁,真系好惹味,非常推荐!
张贴