Ocio オシオ (已結業)

去完佐敦谷学校🏫旅行搭29M落新埔岗再行去钻石山荷里活广场揾食，原本㨂咗隔离Tamago en,老婆最后拣咗隔离呢间既OCIO，我自己上次都食过，觉得可encore，老婆未食过。一行3人连埋我囡陈皮妹（3岁）入去，不用攞飞，直入。餐牌午餐8㨂1，送餐汤或沙律，加埋普通饮品，电子QR code order。我拣咗all day breakfast，老婆㨂牛肋条螺丝粉，大家都拣南瓜汤，老婆话冇南瓜味，我可接受。老婆牛肋条都冧易入口，我个all day breakfast好大份好full，芝士肠有惊喜，送埋1/4份窝夫🧇有蜜糖，俾陈皮妹成个攞咗嚟咬。之后叫咗甜品🍮蜂蜜雪山热香饼,英文写souffle pancake,以为真系梳乎厘pancake，点知系普通厚松饼，有d失望，但都仍可打卡，order时冇写送雪糕，仲自行俾$10加雪糕🍦，点知最后连埋有一球雪糕就变咗食两球。普通野饭免费🆓，我latte加$10，埋单仲有85折，总数$295，算抵食。坐得舒服，有BB櫈但冇小朋友餐具。室内棵树系打卡位