影片
更多
2017-12-25
67 浏览
今日同朋友咁岩去开九龙城，就决定系果到食埋野，九龙城比人既印象大多数都系果到有好多泰国餐厅，想揾泰国野食去九龙城系一个好好既选择，原本我同朋友都谂住揾间泰国餐厅食下，估唔到行行下既时间比我地揾到一间食西餐厅 - ENJOY EAT!!于事我地就决定去试下佢!!入到去职员就即刻为我地送上餐牌同介绍佢地既特色晚餐 (MAIN DISH)- 乳猪餐。 经过一轮既介绍，我地再睇下餐牌，发现除左店员推介既食物，仲有好多其他既选择，包括pasta﹑Pizza﹑Lasagna﹑risotto同steak etc，可以话系应有尽有!!头盘我地就叫左一份蒜蓉包同法式焗田螺。蒜蓉包大大件，焗得岩岩好，香脆可口，而且蒜味同香草既味配合得岩岩好，唔会比人有唔平衡既感觉。法式焗田螺既味道亦十分好，不过个人认为如果少返少少油既话就更好。虽然话田螺先系主角，但系下面做底既薯蓉亦都不容忽视!!!薯蓉入口非常CREAMY ，调味亦都做得好，非常好食!!洋葱汤饮落都可以品尝到啖啖洋葱既甜味，不过咸味就差少少。主菜我地就简左"意式黄金乳猪" (1/4只)，虽然话就话得1/4只，但系其实十分大碟。乳猪食落去用我地平时食开果D
入到去职员就即刻为我地送上餐牌同介绍佢地既特色晚餐 (MAIN DISH)- 乳猪餐。 经过一轮既介绍，我地再睇下餐牌，发现除左店员推介既食物，仲有好多其他既选择，包括pasta﹑Pizza﹑Lasagna﹑risotto同steak etc，可以话系应有尽有!!
头盘我地就叫左一份蒜蓉包同法式焗田螺。
蒜蓉包大大件，焗得岩岩好，香脆可口，而且蒜味同香草既味配合得岩岩好，唔会比人有唔平衡既感觉。
法式焗田螺既味道亦十分好，不过个人认为如果少返少少油既话就更好。虽然话田螺先系主角，但系下面做底既薯蓉亦都不容忽视!!!薯蓉入口非常CREAMY ，调味亦都做得好，非常好食!!
洋葱汤饮落都可以品尝到啖啖洋葱既甜味，不过咸味就差少少。
主菜我地就简左"意式黄金乳猪" (1/4只)，虽然话就话得1/4只，但系其实十分大碟。乳猪食落去用我地平时食开果D中式既乳猪好唔同，乳猪皮冇咁厚身，但系都十分脆口。因为腌料既关系，味道亦都唔一样，加上佢提供既酱汁，酸酸甜甜。另外亦有D菠萝作为伴碟，食完乳猪再食返旧菠萝就唔觉得有好溜既感觉。
而配菜我地就简左薯条，粗身既薯条，薯仔味十足!!
除左Main dish，我地仲叫左个"意大利火腿黑松露野菌长通粉"，分量十足，未必个个人都钟意黑松露既味，但系如果你钟意食黑松露，E个长通粉就岩晒你啦!!白汁充满黑松露既味道，加上Parma ham既咸味，配合埋长通粉三样一齐食，果种味道可以话系笔墨难以形容!!
因为估唔到长通粉同乳猪既分量咁多，我地仲叫左一个"鲜番茄水牛芝士紫苏叶pizza"，pizza系铺头自家制既，皮薄而且香脆，芝士味唔会太重，唔会抢晒其他配料既味，味道亦唔错。
张贴
