Enjoy Eat

营业中

休息中

本身住九龍城，間唔時都會同老婆落去搜羅下睇下有咩好食，見到依間個2人Set都好似幾抵食就行咗入去。首先要講服務真係好好，一坐低就係咁問我哋凍唔凍，同埋好用心介紹菜式，超級有禮貌食物方面我覺得各方面都不錯，2人Set有：湯、沙津、田螺、意粉、Pizza.份量都幾多，個人最鍾意田螺同埋意粉，叫咗個卡邦尼，意粉炒得夠香同埋唔會太濕，個螺好甜pizza都好足料，同埋超太塊，最後剩咗半個攞返屋企宵夜keep單下次去仲有9折期待下次去試埋佢個lunch

Enjoy eat二人套餐$338，包咗👇🥣是日餐湯2碗番茄雜菜湯：蔬菜量多，茄膏味濃🥟前菜1客：揀咗法式焗田螺6隻，質素正正常常，唔算特出🥗沙律1客：蔬菜蕃茄新鮮，仲有黑欖及麵包粒， 誠意一流🍝意粉1客：焗鮮茄吞拿魚千層麵，吞拿魚大大舊，份量足夠，食落唔會太油膩🍕薄餅1客： 鮮番茄水牛芝士紫蘇葉薄餅，紫蘇葉味清淡，薄餅味道亦唔算太濃，比較健康嘅薄餅☕️飲品2杯：檸茶嘅檸檬片新鮮而且份量多，茶味亦香濃🍖傳統意大利乳豬（1/4隻）$268即製新鮮熱辣，皮薄香脆，仲跟咗好多蔬菜整體食物走清淡路線，調味唔會太濃，比較原味道2人套餐$338份量大👍，細食嘅3人都足夠老闆娘服務細心體貼🥰整體性價比高💯

之前聽說這家餐廳的意大利乳豬很好吃，午市光顧就最化算，因為意式乳豬飯午餐連湯和熱飲只售$110。這天二人同行，除了乳豬飯，還點了另一份午餐，就是紅酒燴牛肋條飯（ $85 ）還加了一份沙律（ $12 ）。餐牌上寫的是甘筍湯，不過侍應告訴我們轉成了蕃茄湯。這蕃茄湯蕃茄味香濃，很好喝，而且蕃茄湯比甘筍湯更合我的口味。若想吃沙律，可選生的或熟的，只需加$12 ，還有水牛芝士蕃茄沙律可供選擇，不過就要加$45。我們加點了生的沙律菜，份量很大，味道也不錯， $12算是超值。意大利乳豬飯送上，碟上的是一隻乳豬脾，皮脆肉嫩味道好，就算不沾附上的醬汁，已經很好吃，還有大量的蔬菜，簡直超值！至於牛肋條，份量也很多，肉質柔軟味道好，同樣有大量蔬菜，真的很適合喜歡吃蔬菜的我。餐飲我們點了熱檸檬茶和熱檸檬水，沒什麼特別。總的來說，這店的食物質素高，份量大，價錢合理，值得光顧。特別一提，因為每份午餐都附上大量蔬菜，所以若不是特別喜歡吃蔬菜，可以不另加沙律，若愛吃蔬菜，沙律應該選生的，若選熟的，就和午餐的配菜相同了。想一題的是，雖然店內只有一位女士在忙，點餐、上菜、收拾碗碟和結帳等，全是她負責，不過她的工作效率很高

母親節得閒冇野做就陪左母親大人去行街，但度度都係大商場，連鎖店，仲有咩地方好行呢?諗諗下不如去九龍城啦，屯馬線開左之後佢都未黎過，順路緬懷舊日足跡，原來丫媽細個都有唔少回憶喺依度，一路行一路買野買餸行到咁上下都開始肚餓，我幾大都拉丫媽去清真牛肉館試下，就算佢唔食牛肉.....點知行到去一轉個彎就見到成棚人喺門口，我地2個零秒放棄左，唯有下次我再搵機會黎食啦，再行前多2步就係一間西餐廳，我都餓到唔想再行，而且又諗唔到仲有咩好想試，咁就衝左入去見到D相同menu之後其實係想叫乳豬飯，睇落好似出名好食咁，點知已經賣晒，唯有叫個鴨腿飯同pizza鴨腿肉質軟嫰，絲絲鴨肉輕易被我手中兵器從骨上剝落，應該係用心燉煮良久方有如意效果，加上香草汁調劑鴨腿肉咸香，冇諗過視覺上睇落普通嘅鴨腿都做得咁好配菜及白飯相較之下則失色不少，其實簡單用鴨油/煙肉炒一粉D菜都已經可以好食好多，偏偏2樣野都係清寡無味，唔撈汁食真係搞唔掂Pizza叫左冇耐就到，都算好快手，但一見到就知可以準備打包，睇落直徑應該大慨有10吋芝士足料焗得燶燶地，又有拉絲效果又夠香，配埋辣肉腸真係幾好食從來Pizza餅底先係我focus嘅重點，依

今日嚟到九龍Enjoy Eat食西餐鋸扒， 啖啖肉嘅蛋白質加上適量嘅飽和脂肪有很多選擇，有美國安格斯肉眼、西班牙黑毛豬、法國油鴨肶、紐西蘭羊鞍、比目魚扒、意色乳豬等。最吸引我嘅係咩，就係飯、薯蓉、薯條可以轉菜底， 侍應同我講因為轉菜底所以菜嘅份量會大份啲咁我就嗌咗美國安格斯肉眼配原味汁，有成16安士咁多，超大份，汁係另上嘅，啱曬我呢啲健康人士， 跟湯和跟餐飲。美國安格斯肉眼扒，好嫩、好滑、好juicy，菜底就有勁多椰菜花、瓜和蕃茄，番茄上面有小小醋汁，好飽。減肥係可以食得好飽，最重要嘅係食物嘅選擇。減肥究竟飲食定運動重要啲？答案兩樣都咁重要，威力倍增。配合埋休息、處理壓力、沒有嘅生活習慣，缺一不可。適合低碳水化合物飲食 超低碳水化合物飲食生酮飲食低脂飲食(要自行切走脂肪)總結: 有好多款啖啖肉嘅蛋白質選擇， 扒有適量嘅飽和脂肪，最正係有得轉菜底，keep住去唔會悶，侍應招呼好，一定會再去。

員工幾友善餐廳都多位 唔算逼 但食物就西餐價錢 茶記質素味道一般 勝在配菜份量多叫咗個二人餐同半隻乳豬 乳豬幾脆 同港式燒味嘅味道類似 但200幾得幾塊 性價比有啲低 配菜就無咩特別晚市嘅二人餐就有啲失望 田螺 （無影到相）味道都ok 另外配咗幾多薯蓉但 Pasta同pizza 都還好 味道不過不失 比較普通 賣相一般隨餐跟嘅果汁都麻麻地 可能午市會抵食啲 但晚市就麻麻地

到九龍城散心的一天，無意中見到網上不少人讚這餐廳的乳豬好吃，我與老婆仔又愛吃乳豬，便決定前往試試。雖然是星期日，打鼓嶺道這一帶人流稀少，餐廳內客人也不多，不過我到達的時候雖然只是午後十二時多，點選的「意式香脆乳豬飯」午餐（$108）的乳豬原來已經是最後數份，也許這兒的午餐乳豬飯是限量供應，準備的份數不多吧！不過這天我是幸運的，早來早享受，我與老婆仔一人一個「意式香脆乳豬飯」午餐，足可大快朵頤。餐湯先行奉上，是甜甜的「甘筍湯」，橙色的「甘筍湯」，真材實料，已打成蓉的甘筍盡在其中，不過這湯味偏甜，我就喜歡它鹹味多些，我會更加喜歡。喝過餐湯，兩大碟「意式香脆乳豬飯」隨即送上，這「意式香脆乳豬飯」份量不少，已斬件的乳豬足有四分一隻，皮不甚脆，但仍好吃，肉也軟嫩可口，而且不太油膩，配以另上的黑椒汁，挺好味。隨了主角的乳豬外，這飯的伴菜也十分多，軟腍的南瓜和翠玉瓜、大量爽口的椰菜花，讓這碟頭不細的乳豬飯更加豐富。餐飲點了另加 $5的「橙汁」。大大杯的橙汁，份量比我想像的多，酸甜美味的果汁，正好開胃消膩。這天的午餐，既好味，又抵食，這裡的招呼又好，這餐廳已成為我的心水餐廳之一了。

想試乳豬但已售完，唯有另選其他。南瓜湯，雖說是餐湯仍有用心烹煮出creamy且帶有南瓜蓉在湯中，好想喝多些。美式BB汁豬排骨配薯蓉，BB汁酸酸甜甜鹹鹹的味道都有，令吃肉時更能解膩。豬排骨骨肉輕易一切便能分開，骨肉外邊烤得較乾，但內裏就鬆軟有肉味，。薯蓉滑滑的，應加了不少牛油混和而成。紅酒燴羊膝飯，睇落成隻羊脾咁，超厚肉，炆得入味肉軟，無騷味。配菜是脆肉瓜、椰菜花和紅蘿蔔，能減輕吃濃味肉類的肥滯感。

四個人叫兩個二人餐加半隻乳豬皮脆肉汁多 一流白酒青口 紅菜頭湯好好味～ 千層麵 & pizza 用的芝士好配雞肉意粉D雞肉一啲都唔”鞋”二人餐沙律都唔少 用心做 的意大利餐 Thank you and will come again soon

九龍城屬於舊區 但係好多好野食😛今次我地黎既呢間西餐廳最出名就係烤乳豬同生蠔🤪因為我地出去玩～就外賣左一！隻！乳！豬！🐖！🐽烤乳豬 ($900/一隻)呢個價錢比平時見到一般既燒味店貴200蚊左右🤨 但係廚師既功夫係真係特別有心思既～ 係用意大利家傳配方 烤足5個鐘 先咁外脆內軟！d肉非常之香 皮唔算厚但烤得好脆🤗🤗 ...下次再得閒黎既試埋生蠔先得🤪🤪 普通嗌set食都唔算貴👏🏻👏🏻抵試！

今晚約咗女朋友試吓，有位好朋友介紹的餐廳，佢講又大件又好味環境又好坐得舒服，價錢又唔太貴，最重要係不限時間。我哋最後要咗1個晚餐，香草煎雞胸配薯條同1個带子海鮮飯，晚餐有餐湯及餐飲。等咗一陣香草雞胸同薯條放係我面前，意想不到有咁大份量，海鮮飯都比出面一般大好多。我切咗件雞胸好香有牛油香草味，好滑，薯條好脆有薯味，輪到海鮮飯好大同埋好靚，睇落好滿足，原來海鮮飯有🦐有兩款青口，師傅炒得啱啱好唔會太淋，太硬，白汁分量啱啱好，唔會蓋咗D海鮮味，十分好味。我哋食咗大約3佰鬆D兩個人，我哋覺得一D都唔貴，份量又大，不過你睇自己叫咩？平有平食，貴有貴食，最緊要係不限時間

帶婆婆來試乳豬飯，我試左卡邦意粉，我地中午12:00到，叫左2份午餐，南瓜湯好味，2個主菜都好好食，婆婆話乳豬脆卜卜（讚），仲有好多伴菜仲有2個靚女職員非常親切

28-9-2019九龍城出名多野食, 除左泰國菜, 傳統糖水, 仲有好多選擇。下午去探朋友bb之前, 一齊食個西式午餐。1pm前到達, 未算多人; 但過左十幾分鐘, 愈來愈多人, 而且有不少熟客, 可見店舖跟街坊關係唔錯!!三個人叫左3個餐share: 招牌意式香脆乳豬飯, 黑椒牛仔骨飯, 白汁卡邦意粉。午餐附送紫心蕃薯湯, 感覺有d似糖水😬😬 主菜份量都好多, 牛仔骨好冧, 但不太夠黑椒味; 有好多蔬菜伴碟, 值得一讚👍 卡邦意粉嗰汁啱啱好, 否則會太濃。伐最後出場係今日既主角: 香脆乳豬, 用"皮脆肉嫩"去形容也不為過, 果然係呢度既招牌菜! 下次有機會試埋佢既招牌pizza先...

今晚係结婚週年，我好想食乳豬和焗蠔，上openrice 睇到呢間有齊我想食既野，同埋評語都好好，就試試啦😊 先上紅菜頭湯，飲得出是新鮮材料煮出來，滿口紅菜頭蓉👍 之後沙律，好大碟又有新鮮蔬菜🥗🥗 最期待燒乳豬出場，超大碟，皮脆卜卜，肉很嫩又多汁，底下有大量焗既蔬菜，南瓜，脆玉瓜都燒都好香口🍖🍖，食到一半，我最愛焗蠔出來，每隻都漲卜卜，咬落啖啖肉, 我一個人都食到三隻😋😋 所有食品都係誠意之作，會再來食💗燒乳豬、焗蠔、田螺 必食之選😋😋😋紅菜頭湯 飲得出新鮮製造😚Enjoy eats 沙律 抵食又大份🤗

一般西餐價錢都是中位以上的價錢，一般要食西餐都係要就住就住先可以去到，又食唔飽想食多兩樣又貴又唔捨得，但係今次又唔同講法，入去門面雖然有點像高級快餐的感覺，但食物一點也沒有揸流攤。叫左半隻燒乳豬，乳豬肉汁豐厚，咬落肉汁流哂出黎，啖啖肉，一點也沒有鞋口的感覺，，皮不是很脆的那種，皮博博的，但不能食得太多因為都會油膩都會食滯咗。配薯條，薯條大大碟，上枱時剛炸起的，熱辣辣咬落皮脆內裡溶化一樣，吃完會停不了手的。