Maison ES

营业中

休息中

难得有一日可以同男朋友一齐放假，所以晚餐就食得浪漫啲啦！黎到不久之前都食过既 Maison Es，装修依然华丽，卡片，餐牌，同餐具，每个细节都系呢到老板娘精心挑选既。今次冇选择餐厅既 tasting menu，只系点咗几份 a la carte；先来一盘热辣辣既面包篮。头盘来一份超级新鲜既慢煮龙虾肉配柚子，三文鱼籽，炸蒜片；然后有我一向都好钟意既牛肉他他。选用鹿儿岛牛，捞埋有机生鸡蛋，海胆，紫苏叶，白果粒；米饼亦好脆身！主菜方面，我哋点上期待已久既吉列A3和牛。外皮炸得非常脆，而且和牛保持 medium rare，再沾上温泉蛋同蒲焼汁，食落又甜又香。旁边亦有配上烧饭团，好丰富呀！另外仲有一份冬季推介既「荷叶蟹粉义大利饭」。蒸饭带著荷叶香气，蟹膏味道非常特出，好特别既 crossover。最后，系以焗蕃薯为主题既甜品碟。有烧过既麻薯，清新既自家制白桃雪芭，不错既配搭！