影片
更多
2015-12-17
655 浏览
爱丽斯梦游仙境，我谂好多人都听过呢个童话故事，今日就去咗 Alize Noire de Nova 食饭，个名真系好 fantastic。叫咗个晚餐， 先上头盘，香煎牛舌配芝麻汁，牛舌煎得㶶㶶地，好干身香口，入口好松软，点埋芝麻汁，好味道。餐汤叫咗杂菜汤，名符其实，真系好多杂菜，酸甜味道啱啱好，不过唔够热，要扣少少分。主菜㨂咗，西班牙黑毛猪配苹果烧汁，颜色好sharp，摆得好靓，靓到唔舍得切落去。配菜有好滑溜嘅薯蓉，煎得小小㶶嘅蕃茄，仲有青荳，三种颜色加埋，令人胃口大开，主菜黑毛猪好大嚿又厚身，咬一啖，肉味好香，有少少肥油，几好味，可惜应该系煎得过咗火，肉质有D实，如果可以松化番少少，就系一个抵食夹大件嘅养眼美食。甜品叫咗 Rosemary cream brûlée，因为自己对 Rosemary 味道情有独钟，而且配搭都几新鲜，再加上系厨师推介嘅，梗系要食啦。 面层嘅焦糖好香脆，布甸好香蛋味同好滑，但系 Rosemary 味唔强，反而唔知点解，食落口，味道有少少似 Ginger cream brûlée，加多咗一份滋润同暖胃，不过，个 size 好似 mini 咗D，唔系好够喉。食完饭，
叫咗个晚餐， 先上头盘，香煎牛舌配芝麻汁，牛舌煎得㶶㶶地，好干身香口，入口好松软，点埋芝麻汁，好味道。
餐汤叫咗杂菜汤，名符其实，真系好多杂菜，酸甜味道啱啱好，不过唔够热，要扣少少分。
主菜㨂咗，西班牙黑毛猪配苹果烧汁，颜色好sharp，摆得好靓，靓到唔舍得切落去。配菜有好滑溜嘅薯蓉，煎得小小㶶嘅蕃茄，仲有青荳，三种颜色加埋，令人胃口大开，主菜黑毛猪好大嚿又厚身，咬一啖，肉味好香，有少少肥油，几好味，可惜应该系煎得过咗火，肉质有D实，如果可以松化番少少，就系一个抵食夹大件嘅养眼美食。
甜品叫咗 Rosemary cream brûlée，因为自己对 Rosemary 味道情有独钟，而且配搭都几新鲜，再加上系厨师推介嘅，梗系要食啦。 面层嘅焦糖好香脆，布甸好香蛋味同好滑，但系 Rosemary 味唔强，反而唔知点解，食落口，味道有少少似 Ginger cream brûlée，加多咗一份滋润同暖胃，不过，个 size 好似 mini 咗D，唔系好够喉。
食完饭，饮埋杯热柠茶，水滚茶香，真系消滞又解渴。近排因为工作关系，成日都会离到北角，但始终对于我离讲都系几陌生，所以喺度揾嘢食就好似寻宝咁，有时的确会有意想不到嘅收获㗎。
张贴
