MOONKOK (K11 Art Mall) (已結業)

SOHO开咗间新店梗系要试吓啦，先讲支红酒，因为几好饮所以专登问咗个名(Shiraz-Calabria Guiding Star)，澳洲酒黎嘅，同D肉类好夹。一开始除咗红酒之外，叫了两款小食，分别系Lemongrass Chicken Wings同芝士焗蚝，个鸡翼因为有Lemongrass所以都几Fresh，个焗蚝比预期多，竟然有5只，在大家都系$98的情况下，似乎叫焗蚝的抵食D。主菜叫了M5和牛Ribeye、脆皮猪手，同埋一个叫猪八戒的猪肉蒸包。个和牛Ribeye中规中矩，我成日觉得呢D牛扒如果本身质素高而又无over cook其实好难唔好食嘅，佢配嘅红酒汁同件Ribeye都夹嘅。呢个炸猪手几好食，皮够脆但唔硬，入面嘅猪手肉都够嫩，点芥末好好食，不过如果唔系配普通嘅黄芥辣而系配有秄的甜芥辣味道应该仲好D。呢个猪八戒其实就系中式蒸包入面夹住猪肉，D猪肉系有D肥嘅，所以叫猪八戒都几贴切，影相打卡系唔错嘅。