影片
更多
2019-02-28
121 浏览
呢日去到朋友屋企附近嘅大人气扒房Top Blade Steak Lab。入到去一坐低店员就夹咗一大堆鲜炸薯条落我哋碟到，因为呢度嘅薯条系任添架！虽然系无限量供应，但薯条一样系用心制作，每条都微暖又脆身，仲带香草味，唔点茄汁已经好好食。扒房专卖flat iron—成只牛第二嫰滑嘅部位，但每日都会有一款冇列喺menu上嘅today's special。今次去到嘅special 系嚟自纽西兰嘅hanger steak（腹肉牛排)。食hanger steak追求嘅系浓浓嘅牛肉香，因为系横隔膜下嘅肌肉，经常运动所以比较厚实。以炭烧方法烹调嘅hanger steak外层炭香浓陏，外层微焦，但中层富肉汁同油香。牛扒十分厚身，份量十足，令人流晒口水~最多人点嘅就系美国390日谷饲Prime 级Flat Iron，我哋亦拣咗店员推荐嘅medium rare。Flat iron比hanger steak软嫰得多，比较啱大部份香港人口味。medium rare嘅flat iron肉汁丰富，以鲜磨嘅盐花同胡椒已经能带出鲜味。但因为呢个部位脂肪较少，唔似肉眼扒咁重牛味。薯蓉混入牛油，质感软滑又唔油腻，配埋鲜甜多
入到去一坐低店员就夹咗一大堆鲜炸薯条落我哋碟到，因为呢度嘅薯条系任添架！虽然系无限量供应，但薯条一样系用心制作，每条都微暖又脆身，仲带香草味，唔点茄汁已经好好食。
扒房专卖flat iron—成只牛第二嫰滑嘅部位，但每日都会有一款冇列喺menu上嘅today's special。今次去到嘅special 系嚟自纽西兰嘅hanger steak（腹肉牛排)。
食hanger steak追求嘅系浓浓嘅牛肉香，因为系横隔膜下嘅肌肉，经常运动所以比较厚实。以炭烧方法烹调嘅hanger steak外层炭香浓陏，外层微焦，但中层富肉汁同油香。牛扒十分厚身，份量十足，令人流晒口水~
最多人点嘅就系美国390日谷饲Prime 级Flat Iron，我哋亦拣咗店员推荐嘅medium rare。Flat iron比hanger steak软嫰得多，比较啱大部份香港人口味。medium rare嘅flat iron肉汁丰富，以鲜磨嘅盐花同胡椒已经能带出鲜味。但因为呢个部位脂肪较少，唔似肉眼扒咁重牛味。
薯蓉混入牛油，质感软滑又唔油腻，配埋鲜甜多汁嘅蕃茄仔，配菜同样高质。
呢杯Cocktail Mojito系古巴嘅传统鸡尾酒，只系用青柠、糖、香草等等几款嘅简单材料制成，味道清新，同浓陏嘅牛扒绝配。
最后食埋甜品—热情果tart。来自水果嘅天然酸甜味配上富牛油香嘅挞皮，圆满地结束呢一餐。
不过呢度实在太多人排队，所以用餐时间只有一小时。锯扒通常都想慢慢嚟，所以不妨订枱订早啲，只要冇人等位，店员都好乐意比大家坐耐啲~
张贴
