影片
更多
2022-05-18
582 浏览
铜锣湾呢间星马菜由新加坡人主理，有唔少地道菜式：板面、面粉粿汤等~ 不过最吸引我嘅莫过于超邪恶咖椰爆浆多士！睇Google Map睇到荡失路，原来佢就系正超人气嘅James BonBon隔离。见到纯白门面 有条楼梯就岩啦~餐厅采取自助形式，需要系柜枱或者自助点餐机落单，再自行揾位、取餐、回收餐盆，十足food court。唔洗加一之余，店员都唔会系你侧边行嚟行去望住你，所以无人等位嘅时候 坐得特别自在。▪️辣椒蟹肉酱配炸馒头 $98炸馒头外脆内软，索汁一流！蟹肉酱嘅蟹味又几岀㖞，少少辣好开胃。入面除左有唔少蟹肉丝，好似仲加左啲蛋花?! 令蟹肉酱口感变得滑溜。蟹肉酱份量超慷慨！食晒啲馒头 都仲有好多酱净。最后就咁食啲蟹肉酱 超爽▪️辣椒面粉粿 $88面粉粿同我想像中有啲岀入，同云吞皮有几分相似，都系圆形一大块，质地就偏软腍。配菜有卤冬菇、超多猪肉碎、炸江鱼仔，咸香十足。加埋参巴酱辣椒，辣辣地好惹味。笃穿埋只流心蛋，干拌得黎都好湿润！重口味之选！美中不足系面粉粿嘅口感唔太岩我口味。▪️咖椰爆酱 $68完全系为左呢个多士而嚟！多士夹满咖椰、牛油、花生酱、朱古力榛子酱，再撒满美禄粉，又点会唔好食！面
睇Google Map睇到荡失路，原来佢就系正超人气嘅James BonBon隔离。见到纯白门面 有条楼梯就岩啦~
餐厅采取自助形式，需要系柜枱或者自助点餐机落单，再自行揾位、取餐、回收餐盆，十足food court。唔洗加一之余，店员都唔会系你侧边行嚟行去望住你，所以无人等位嘅时候 坐得特别自在。
▪️辣椒蟹肉酱配炸馒头 $98
炸馒头外脆内软，索汁一流！
蟹肉酱嘅蟹味又几岀㖞，少少辣好开胃。入面除左有唔少蟹肉丝，好似仲加左啲蛋花?! 令蟹肉酱口感变得滑溜。蟹肉酱份量超慷慨！食晒啲馒头 都仲有好多酱净。最后就咁食啲蟹肉酱 超爽
▪️辣椒面粉粿 $88
面粉粿同我想像中有啲岀入，同云吞皮有几分相似，都系圆形一大块，质地就偏软腍。配菜有卤冬菇、超多猪肉碎、炸江鱼仔，咸香十足。加埋参巴酱辣椒，辣辣地好惹味。笃穿埋只流心蛋，干拌得黎都好湿润！重口味之选！美中不足系面粉粿嘅口感唔太岩我口味。
▪️咖椰爆酱 $68
完全系为左呢个多士而嚟！多士夹满咖椰、牛油、花生酱、朱古力榛子酱，再撒满美禄粉，又点会唔好食！面包质地偏干实有咬口，但加埋啲酱又唔会好干。成啖咬落去好实在，朱古力榛子味充斥口控，偶尔会食到啲花生味，但就唔系好食到个咖椰。呢个邪恶多士食一旧都够晒邪恶够晒甜够晒漏，真系有三四个朋友仔一齐嚟食先好嗌。
▪️炸五香卷 $48
外层香脆唔油腻，内里软腍富肉汁 系平时肉燥嘅味道~ 唔错
▪️美禄爆炸 $58
无乜好挑剔，就系好浓美禄味！甜度岩岩好~ 偶尔饮到美禄粉，会有啲香脆嘅口感。面头仲有唔少朱古力脆脆添~Overall，铜锣湾嚟讲价钱合理，菜式较为少见，唔会话好惊艳 但味道绝对ok，不妨一试！而且坐得好自在，几啱三四个人聚聚。
张贴
