大食代 (已結業)

黎到太古城想食咩，梗系去Food Court 揾食啦，选择很多。但阿猪又系去食星林居米线，呵呵！叫左山根，唐生菜，芝士肠，小酸小辣。我成日好好奇点解佢既米线咁好食，今次迷底解开左啦，系开放式既厨房睇到师父原来系将汤底及汤底既材料和米线一齐放落个镬度一齐煮，难怪咁香咁入味。汤和肉碎一起烹调后很香，下喉微酸小小辣，非常开胃。米线外表滑，但却不会煮得过淋，配上汤美味非常！山根，唐生菜，芝士肠呢d都系大路野，至于为何点山根，当然因为佢会包住d汤汁，配上山根的烟韧及炸过的香味，一流！所以食亲酸辣米线/面，阿猪都一定会叫山根/面根的。