薈萃閣 (已搬遷) 新店位置

之前有个由澳洲黎既朋友仔,因为我带佢周围玩,所以佢特意请我到佢住果间酒店食buffet. 正!甜品:糯米卷食落去真系唔错,皮软熟得黎又有咬口!而草莓蛋糕, 蛋糕入口松软,仲有啖啖的草莓味.其中最特别的黑松露菌蛋糕,一食落去啖啖都系黑松露菌味,感觉好奢侈,哈哈~冷盘:薯仔沙律,水果沙律,咖哩长通粉沙律,呢几个都唔错,好味!海鲜方面,长脚蟹,螺,青口都颇新鲜,鲜甜~更唔少得吞拿鱼,三文鱼,八爪鱼,厚切的,颇甜美!热盘:辣螺对于我黎讲,个辣度岩岩好,而且很有弹性,正!云吞鸡,鸡肉嫩,但云吞卖相麻麻.而大虾伊面香喷喷的,面亦做得有咬口,大大只的虾,爽口弹牙,好食~最后食左个冬瓜盅,汤和冬瓜肉都很清甜,是消暑必品!食物整体上都唔错,环境又舒适安静,而且waiters的服务友善殷勤,仲有好多谢我的朋友请食呢度的自助晚餐!