娘惹嫁到 (已結業)

今早入去荃湾海滨花园做完野, 肚饿食个lunch, 想去搭巴士时, 见巴士站斜对面有间餐厅叫娘惹嫁到, 个名好怪, 但唔系住呢度唔知附近有咩食, 见系食咖哩喇沙系我飞佛, 不过冇乜食客, 但见好新装修, 咁就试下冇坏。哗, 食个牛尾咖哩饭要72蚊, 真系唔平, 我问老板娘喇沙系咪出名d, 佢介绍喇沙牛尾, 我一向喜欢四围比较唔同餐厅嘅牛尾。虽然lunch 78蚊系几贵, 但我都想睇下系咪有惊喜。主角一到, 喇沙好香, 见到牛尾大旧到呢, 仲要系好多肉,唔系得掤骨, 我马上相机食先些比朋友。跟著一口咬落去, 竟然好弹牙, 除了肉质正仲有2成好软熟嘅脂肪, 同肉质混和口感一流。呢间餐厅一定系入靓货先有咁好质感。其他配菜, 豆腐好多, 面都唔错。仲饮左几口汤。再望下四围装修, 有一张poster介绍原来老板系马拉华侨, 好似系马拉那边的大酒店总厨之类, 难怪手势咁好。可以话佢整牛尾仲好食过食一般和牛。当然我唔系有钱人, 好少去酒店食好高级嘅野, 极级和牛我未食过, 但都有食下dan ryan, outback之类, 佢地都未必做到呢个水准。仲要夹喇沙, 真系冇乜地方有得食。(黑色饮品是罗汉果