影片
更多
2023-02-02
138 浏览
约咗喺中环返工嘅好友食晏，友人一向都无饭瘾，所以提议去吃三文治做午餐。喺九如坊揾到呢间新开嘅小店，餐厅以靓汤及意式三文治作招徕。店内地方不大，以外卖为主，不过亦有两张四人台可供食客作堂食之用。原来餐厅只系开咗大约两个月，由店主阿 Greg 主理，据讲佢本身亦系一位茶艺师，曾于茶舍工作，所以入座后就先为我俩送上热茶，服务非常贴心。我哋每人点咗份 Panini，+$20 可以配餐汤一客，是日餐汤为意大利杂菜汤。杂菜汤用料非常丰富，以新鲜蔬菜熬煮而成，色泽悦目，入口热辣辣，尽吸蔬菜、豆子和香草精华，味道相当浓郁，充满菜园鲜甜，十分开胃。两份三文治嘅卖相都很吸引，落足心机炮制，大大份，好坠手，用料十足。先尝巴马火腿水牛芝士意式三文治 ($98)，火腿用料高质，咸香丰腴，入口嫩滑无筋，味道诱人。面包用上店主自家新鲜即制嘅 focaccia，横切面厚实而松软，配上水牛芝士、 火箭菜和车厘茄，轻盈又滋味！至于另一份烤猪波罗伏洛芝士意式三文治 ($88) 味道亦很不错，porchetta 油润甘香，完全没有肥腻感。Provolone 质地丝滑，带点烟熏香气，同烤猪味道非常夹。另外仲点咗饮品同甜品，有机
喺九如坊揾到呢间新开嘅小店，餐厅以靓汤及意式三文治作招徕。店内地方不大，以外卖为主，不过亦有两张四人台可供食客作堂食之用。
原来餐厅只系开咗大约两个月，由店主阿 Greg 主理，据讲佢本身亦系一位茶艺师，曾于茶舍工作，所以入座后就先为我俩送上热茶，服务非常贴心。
我哋每人点咗份 Panini，+$20 可以配餐汤一客，是日餐汤为意大利杂菜汤。
杂菜汤用料非常丰富，以新鲜蔬菜熬煮而成，色泽悦目，入口热辣辣，尽吸蔬菜、豆子和香草精华，味道相当浓郁，充满菜园鲜甜，十分开胃。
两份三文治嘅卖相都很吸引，落足心机炮制，大大份，好坠手，用料十足。
先尝巴马火腿水牛芝士意式三文治 ($98)，火腿用料高质，咸香丰腴，入口嫩滑无筋，味道诱人。面包用上店主自家新鲜即制嘅 focaccia，横切面厚实而松软，配上水牛芝士、 火箭菜和车厘茄，轻盈又滋味！
至于另一份烤猪波罗伏洛芝士意式三文治 ($88) 味道亦很不错，porchetta 油润甘香，完全没有肥腻感。Provolone 质地丝滑，带点烟熏香气，同烤猪味道非常夹。
另外仲点咗饮品同甜品，有机有汽血橙 ($26)、有机蜜桃茶 ($26)，两款味道都好天然，唔会过甜。
甜品系店主太太自家制，Chocolate Muffin ($36) 质感非常松软，绵密湿润，内有粒粒朱古力，双重口感，滋味 double up。
Tiramisu ($38) 水准亦一流，忌廉香滑轻身，以咖啡浸泡过嘅手指饼有如海绵蛋糕般松软，入口甜度适中又不过腻，两个人 share 都很够。
张贴
