芽莊越式料理

营业中

休息中

MOKO mall系我平日夜晚唔想煮饭时常去之处，因为近屋企，食肆都算多选择。刚去完台北，唔想食得太滞，就嚟左呢度。每次嚟都只会从生牛河同番茄蟹肉汤檬当中拣一样，今次拣左前者。其实我觉得芽庄变左连锁店后，食物一直系退步㗎，呢个pho汤底冇咩层次，要加青柠同辣椒帮助提升味道，不过牛肉同河粉都算滑，整体还好啦青柠茶系每次想饮野必点，比起普通冻柠茶𠮶种酸甜，呢种感觉清新d、令人开胃d。环保原因，用上纸饮管，唔知点解饮落去有暖暖地嘅感觉，有少少影响味道，但我喺其他地方用似乎冇呢个问题。牛油鸡翼比起之前真系完全变质，由睇落有一粒粒炸粉嘅样加特别口感，变成普通炸鸡翼，牛油味同应有口感尽失，系冇诚意之作！$60四只性价比好低，唔会再叫。蒸粉包卖相唔错，有扎肉，有芽菜、生菜丝，加埋碌冧一齐食，几好味，不过一上台已经唔系好热，扣分。仍然会当佢系快餐咁食，不过已经不再惊艳。