素年 (黃埔天地百寶坊)

营业中

休息中

食得太多肉类， 间唔时都想清啲食下斋。 听朋友讲红磡有间fusion嘅素食店， 日式西式韩式都有啲， 当然要去会一会佢。 餐厅装修都几配合素食主题， 走清雅文青风， 坐落都几舒适， 门口仲有几个位可以坐喺出面叹咖啡， 再加上门口外有一大堆草丛， 好似暂时走出烦嚣嘅感觉👍 日式咖哩吉列猪扒定食素食咖哩嚟讲都算好好味，本来担心咖哩会太淡身，但系超浓郁嘅咖哩， 同平时食开𠮶啲猪肉咖哩根本就冇比下去， 吉列素猪扒口感就好似免治猪肉一样， 出奇地好味， 而且炸得 外脆， 内里软滑多汁。 牛肝菌大啡菇煎素蛋芝士汉堡大啡菇好juicy， 好大件成嚿牛扒咁🤭， 再配上牛肝菌， 增添香气， 再加上芝士蔬菜和酱汁， 完美感融合系一起。 再附上大量蕃薯薯条， 炸得香脆又甜， 饱足感十足又唔惊肥， 啱晒我哋呢啲贪靓又爱美嘅女仕。素年素食餐厅绝对系一个好值得推荐嘅餐厅， 好适合想食斋但系又嫌弃中式斋食到闷嘅朋友， 原来食斋都可以好西式好fusion。