青花 (THE FOREST)

女孩子去食饭，梗系拣间又靓又坐得舒服又就脚既餐厅去倾返一晚偈。所以今晚选择去呢间新开无耐既青花。佢系ATUM既一份子，所以我谂食物质素卖相同环境都有返咁上下水准。尖沙咀𠮶间食西餐，而呢间就系食新派东南亚餐。一去到坐低已经觉得系港女既圣地，座位阔落舒适，装修主要系以云石同水彩墙，真系港女们最爱。金色嘅餐具配搭泰式铁盘别有一番风味。系时候讲啲野食啦。食得泰国菜点少得拼盘，拼盘不外乎都系果啲嘢食，鸡翼鸡槌香脆、鸡卷够晒香叶味、猪颈肉好香炭烧味，鱼饼都有阵阵香茅同青柠味。主食有天多尼烤鸡配斑兰青咖喱，唔食得辣既要小心，虽然佢唔系好辣但好惹味。青咖喱椰汁味好香，但系略嫌佢无配返一碗饭哈哈。路边花肉炒面小有系泰国餐厅见到所以叫咗试下，都好食嘅不过有啲普通，下次都系叫返泰式金边粉算啦～餐厅份量足够，环景靓又舒适。虽然以东南亚菜来讲偏贵，但以AUTM 呢个brand黎讲就算系咁架啦，一间坐得舒适同赏心悦目嘅餐厅，值得比呢个价钱。