影片
更多
2010-03-04
131 浏览
少写「包评」, 更无写连锁「包评」「饼评」谷「名次」的习惯, 不过都几喜欢食面包的, IFC city'super 面包部更一星期帮衬三四次, 分享一下 so far 试过的几款吧:Milk cream snail ($16): 又名「北海道牛奶卷」, 面包呈 snail 壳状, "just baked" 时买热得烫手, 食落外带少少松脆, 中间就极软松, 少少甜, 带劲香的 cream, 牛奶及牛油味, 香到你唔信! 呢个系我最喜爱的一款包, 极力推介 Brown rice muffin 玄米松饼 ($12): 「松饼」其实系 English muffin, 面较干身又几多「粉」, "just baked" 时食落带点松脆; 中间密度几高, 食落烟烟韧韧, 带浓烈的玄米香, 好食. 呢个感觉较 light, 但其实几饱肚, 大家买的话要留意.Brioche Sucre ($13): 即牛油砂糖圆形穿窿包 面包一样带浓烈牛奶味及蛋香, 非 "just baked" 的话我觉得佢干身得滞 ("just baked" 就当然另一回事);「窿」入面劲多牛油「琼」喺度, 砂糖份量我
Milk cream snail ($16): 又名「北海道牛奶卷」, 面包呈 snail 壳状, "just baked" 时买热得烫手, 食落外带少少松脆, 中间就极软松, 少少甜, 带劲香的 cream, 牛奶及牛油味, 香到你唔信! 呢个系我最喜爱的一款包, 极力推介
Brown rice muffin 玄米松饼 ($12): 「松饼」其实系 English muffin, 面较干身又几多「粉」, "just baked" 时食落带点松脆; 中间密度几高, 食落烟烟韧韧, 带浓烈的玄米香, 好食. 呢个感觉较 light, 但其实几饱肚, 大家买的话要留意.
Brioche Sucre ($13): 即牛油砂糖圆形穿窿包 面包一样带浓烈牛奶味及蛋香, 非 "just baked" 的话我觉得佢干身得滞 ("just baked" 就当然另一回事);「窿」入面劲多牛油「琼」喺度, 砂糖份量我就觉得唔太够 (不过如何你唔系甜魔, 可能呢个会啱你), 不过整体都几好食.
American cinnamon roll ($16): 即肉桂版 milk cream snail, 不过其实 cinnamon 味都唔算好浓, 啱晒我 唔知是否 glaze 过的关系, 面包松软度比起 milk cream snail 略有不及, 亦较甜及黐笠笠, 还是「无 cinnamon 版」好.
Peach danish ($15): 好少买到 "just baked" 的, danish 摊冻后湿韧了不少, 不过都几够牛油香; peach 系罐头货, custard 酱就太甜, 呢款我麻麻...
Sunrise Bread ($13): 即面头有一层脆皮糖霜的北海道牛奶包, 又名「疑似菠萝包」 面包部分奶香一般, 质地尚算松软, 不过当然唔及 milk cream snail 脆皮就好脆, 甜度高, 但食完无「乸」喉的感觉, 几讨好.
Milk Cream Hearth Roll ($12) 又系好少买到 "just baked", 不过冻咗都几好食: 面包系软法包, 食落虽然几韧, 但带淡淡奶香面粉香; 中间的 milk cream 酱呈软膏 / pâté / terrine (!!) 状, 质地其实有 d 核突, 食落就够奶香又好甜, 味道亦令人谂起牛奶味 Pocky 百力兹的牛奶酱, 唔算好喜欢.
Frankfurter Tortilla ($19) 系唯一试过的咸食: 买时系 just baked, 又的确热辣辣, tortilla 干身带点脆, 中间的法兰克福肠味道带点甜, 不过肠衣太厚太韧了; 仲有蕃茄酱, 肉眼睇得到, 食落却无乜茄味, 麻麻哋喜欢.
会继续买甜包食的.
张贴
