早安越南 (已結業)

黄埔嘅蔡澜美食坊，里面有好多食肆。有上海菜，有点心，有西餐，有越南菜，各适其适！今日要去𠮶间越南菜，个名都几特别，就系因为比佢个名吸引咗，于是就入咗去食。我同事好钟意食嘢，所以我哋都叫咗几多嘢食。我哋叫咗两个一人餐，然后再叫小食同菜。越式海鲜虾膏炒饭 $88分量唔算好多，虾都好大只，炒饭炒得好干身，一粒一粒佢分明。我觉得味道调校得好好，但我同事嫌佢淡左啲。越式炒金边粉 $80酸酸甜甜，好醒胃。蒜蓉炒贵妃苗 $76感觉有啲似温室豆苗， 我系第一次食呢只菜。有少少苦涩嘅感觉。不过几清新。丝网海鲜春卷 $66个丝网做得好薄，包生菜食，非常一流。热龙眼水（跟餐)咸柠乐 (跟餐)