築間幸福鍋物

朋友个碟牛肉拎出嚟好肥， 问服务员有冇得换。服务员都ok 仲主动喺拎下一碟之前出嚟拎咗两小片出嚟畀佢睇过先至 再出。 呢度所有服务员都系讲国语嘅 好似净系得一个系讲广东话。 所以都要用 半桶水 嘅国语同人沟通 我好怀疑 自己嘅发音 不过明就ok啦😆 我朋友仔佢哋嗌牛我就食猪。佢哋就觉得啲牛肉麻麻，猪就觉得ok。 其实 两个价钱 细分同大份 我哋 冇乜 概念，所以见争几十蚊大家就一至拣咗大嘅size。 其实太多肉饱得滞， 而且本身佢蔬菜同埋丸类都系无限添加嘅。其实好饱下次可以考虑嗌份细嘅肉。 套餐本身仲包咗一份饮品同一个甜品。 我其实最开心系食到白玉苦瓜 好有惊喜。 打边炉食苦瓜原来好好味 另外佢有个柚子 酱汁同啲肉类好夹 有少少酸味中和咗啲肉嘅肥腻而家做紧openrice投票会仲送多一 小份 食物 ，海鲜 好似有蚬同埋鲈鱼肉 ，仲有羊肉。 七选一。我哋每个人落楼差唔多 420蚊。呢个价钱 其实选择好多 不过呢度坐得都几舒服 人又唔系太多。