Puzzle Dining & Cafe (已結業)

相信系马鞍山最出名嘅黄店，自从搬咗舖之后，一路未有时间嚟，今日终于可以嚟朝圣啦！餐厅位于角落头位置， L型设计，玻璃窗可清楚望到外面嘅马路，室内有少量黄店独有装饰，座位也不少的，有自助水吧。今晚食咗个龙虾汁蟹肉意大利饭配天妇罗虾，佢哋呢个用正宗意大利米，食落相对有烟韧感，并非只系好似生米既感觉，而d米索哂d龙虾汁，更加味美。蟹肉拆碎够鲜，还有些杂菇，天妇罗虾有三只都几大只，好味呀！另外叫咗个巴马火腿配三重芝士pizza,虽然简简单单，但都好好食，cheese同巴马火腿都好夹架，饼底薄而脆，值得一试。嚟过既人应该都知呢度有好多款咖啡，今日讲开先知原来佢哋系自己炒豆，仲有得买豆走，唔同产地唔同炒法，今日我就试左杯「瓜地马拉 薇薇特南果」，奶和糖也毋须落，佢既啡味唔算浓，反而带点果香，回甘带丁点儿酸味，唔错既尝试！佢仲有限量供应既音乐家系列，唔通饮完识作曲？😆在有良心餐厅吃一顿美味晚餐，就系good taste啦！