Puzzle Dining & Cafe (已結業)

原本諗住黎食午飯，hea下hea下唔小心黎到下午茶時間，下午茶老實講偏貴，不過近近地又環境搭夠，還好啦下午茶餐單另外仲有All day breakfast 揀，唔記得咗影。咸蛋黃單骨雞翼配伯爵奶茶雞翼本身有一舊舊蛋黃調味，熱辣辣，最後淋上咸蛋黃醬，簡單暴力既小食

馬鞍山作為美食沙漠，本來冇咩期待，今日踩單車去到馬鞍山公園，有啲肚餓就行咗入去一間coffee shop。價位屬於中等，不過勝在地舖方便，就入咗去食。叫咗個豬軟骨飯，穩陣之選。不過不失，比較驚喜嘅係豬軟骨煮得好腍，份量比較多，甚至覺得多過白飯。今日只係一個人嚟到，食唔到太多，佢主食之外，仲可以加小食，薯餅， pizza之類。如果一大班朋友嚟到，選擇可以更加多。菜單上仲有蛋糕，不過我都唔會太有期望，下午茶會比較經濟，附近有游泳池，我相信附近做運動嘅人都可以考慮一下呢度，好過食咁多麥當勞嘅油炸食物

第一次食！真係救命咩日式滑蛋鰻魚飯，真係不知所謂！未食過咁勁難食！又無汁 仲要比漏餐具！好似食垃圾咁！另外果個咩龍蝦汁海鮮意大利麵都唔好得去邊，汁又少！馬鞍山嘅居民可以唔洗試嘥錢！

有得揀，梗係揀💛小店支持啦。正午時份，冇人等位，但帶位入去嘅人同我哋講，限時60分鐘。係我自己諗多咗，以為冇人等位，可以坐耐啲。😑間嘢唔係full house，但啲位超迫，明明可以坐得闊落啲，但可能侍應們唔想行太遠，所以安排大家聚集坐埋一起。我哋兩個人叫咗三碟嘢食， +2杯飲品，張枱根本唔夠位放，名字叫Cafe，但茶記嘅位置。可否改一改餐廳名先。。。叫咗all-day breakfast、單骨雞翼同埋牛扒。樣樣都係熱辣辣送上，值得讚。味道不過不失。不過咁嘅價錢，如之前食評所講，Cafe價錢，茶記味道及Service，一路食自己都一路諗，一定唔會有下一次，不過又同自己講，💛店喎，唔係唔支持呀嘛。不過我都要講多句， $128的牛扒，係真係薄過紙的。建議大家唔好叫。加咗$25嘅杯latte，建議大家千祈唔好叫，因為完全冇奶、冇咖啡味，只有水味。繼續Cafe價錢，茶餐廳Service，叫佢俾杯水我哋，一個疑似老細嘅人同我哋講，要自己去斟水。我第一次去Cafe，要自己斟水，呢間仲唔係茶記？食完野，喺冇問我地情況吓，比侍應9秒9 收哂d 碟。因為冇水飲的關係（唔想戴返口罩出去斟水），喺度飲緊溶冰中

好介紹，比我留意到這店❤️1)全日免收加一(正呀！慳得一蚊得一蚊）2)有虹吸式精品咖啡，幾頁版面，佢有好多味道選擇。我本人就冇叫精品咖啡，我怕飲齋啡🥲但係亦都唔係間間有得飲，鐘意嘅你就唔好錯過。我叫左:熊本和牛粒配玉子燒（用日式托盤精緻嘅擺設)和牛都好多，和牛粒配埋個汁，飯係珍珠米，每一粒和牛(連汁)餸飯食，好好食，係我想食嘅味道，汁都清晒。餐湯係:蕃茄濃湯，夠濃，入面重有粟米粒。飲品:熱鮮奶朱古力hot latte

馬鞍山雖然曾經被揶揄為美食沙漠，不過其實細心搵，都會發現正嘢。Puzzle Dining & Pizza 地方寬敞，落地玻璃面對大街，幾 cozy。下午茶時間嚟到，叫客王牌咸蛋黃單骨雞翼。雞翼一碟八隻，其實所有咸蛋黃食物只要咸蛋黃味夠，基本上已經冇得輸，呢個單骨雞翼嘅咸蛋黃味超級濃，入口鹹鹹香香，加上隻隻都炸得熱辣香脆，勁好食。建議要趁熱盡快食，因為一凍咗，咸蛋黃油凝固，絕對影響口感。對面位叫咗 Daily Cake Set 配 Syphon Coffee，蛋糕係朱古力榛子 mousse cake，我試咗少少，榛子味幾突出，口感綿密得嚟又唔會太甜，唔錯。我見杯虹吸好似幾得，於是又叫多杯。我揀咗哥倫比亞 Medellin 豆，感覺各方面都較為平衡，冇個別好突出嘅氣味或味道，唔算有個性，不過入口尚算順滑，絕對物有所值。

住馬鞍山嘅朋友對Puzzle Dining & Cafe 應該唔會太陌生 佢哋以前舊鋪係泳池隔離 後來不獲續租就搬左係福安對面 依家環境光猛左好多 員工繼續一樣非常有禮貌😁黃金單骨雞翼超邪惡 但非常高水準 唔會好咸但好香咸蛋味 真心超級推薦😋斧頭扒配菠蘿扒斧頭扒好juicy 肉質好鬆軟 都算大塊👍🏿 燒菠蘿好甜 配搭得幾好💛芝士鰻魚飯配大蝦啲蝦同鰻魚唔算太有味 如果芝士可以轉做滑蛋應該會更出色🤫佢哋主打仲有好多唔同種類嘅咖啡 差唔多成個drink menu都係 可惜我唔飲咖啡 但有興趣嘅朋友真係可以試試!

難得去馬鞍山就搵吓有咩好食，見到呢間cafe網上有好多好評，就去咗試吓。一入到去已經見到啲位好窄好迫，而且裝修好似中學先至會貪平去嘅餐廳嗰種格局，椰x閣嘅再cheap cheap版。見到入面有好多種虹吸咖啡，問侍應推介邊款，講完一輪揀咗一種莫札特咖啡同一杯iced latte。虹吸咖啡淡如水，iced latte原來落錯咗單，變左americano，之後佢地改返，但由坐低到走都未嚟，追左5 6次都無人沖，食哂所有野埋單先嚟。問佢拎個外賣杯，點知個外賣杯吸都吸唔實，喊出嚟。食物方面，叫咗一個意粉同埋牛排，侍應問要幾成熟，我地答medium rare。牛扒第一次嚟到，只有0.5cm嘅厚度，而且極度韌，根本over cooked，接近well done嘅程度。同侍應講叫佢哋換，佢哋就話吓你哋order左5成啵，我地話medium rare，況且呢塊都唔係5成。然後佢哋就接二連三咁叫咗三四個侍應過嚟睇塊牛扒嘅情況，最後幫我哋換咗第二塊。牛扒第二次嚟到，一切，幾乎全生，blue rare咁。真係食唔到落去。我哋就問可唔可以幫我哋整熟少少，然後waitress又話medium rare就係咁，仲叫

一行二人午餐 ，座位舒適寬敞，唔需要等位直接入座。我哋叫左兩份午餐。食完午餐仲可以去海邊長廊睇風景！熊本和牛粒 個汁調味很好，唔似平時出面嗰d咁甜，配飯真係一流，套餐附有玉子燒。紐西蘭安格斯肉眼，牛排煎得夠香，但牛味唔算重，薯蓉好好味，牛扒汁恰到好處，味道適中。二人午餐埋單二百零蚊，可以再去的餐廳。

冇服務,坐位又迫,有一次問樓面拎杯水,叫你自己去拎吾緊要,出到去水壺又污糟,杯又細,最叻趕客走,食物質素衰過快餐店,價錢又貴飲品又要加$,呢間野真係吾使$都吾好去,去到只系受氣,吾明点解甘多好評

同男朋友去左呢間野食，午餐餐牌見到有個和牛玉子飯就叫咗試吓。首先送既餐湯，餐湯係羅宋湯但好似水咁，完全冇味，之後到個飯黎，一食入口，d牛係凍既，食落d肉質好大浸雪藏味，所以用燒汁蓋住個味，以為啲食客食唔出。d飯硬到食唔落，玉子口感似年糕好難食。而男朋友叫了安格斯牛扒同樣地肉質難食，似街市20幾蚊塊果d bbq牛扒，大家食左一半就冇再食落去。真係唔明d好評係邊度黎？其實間餐廳位置唔錯，但食物真係希望麻煩用心制作，唔好求其俾食客食

近排去咗馬鞍山 去咗果度好出名嘅餐廳 上次嚟食過唔錯 唔知水準有冇下降呢😚👅𝐶ℎ𝑖𝑐𝑘𝑒𝑛 𝑊𝑖𝑛𝑔𝑠 𝑤𝑖𝑡ℎ 𝑆𝑎𝑙𝑡𝑦 𝐸𝑔𝑔 𝑌𝑜𝑙𝑘 (8 𝑝𝑐𝑠) $58呢個係佢哋嘅招牌菜 果然冇令我哋失望🤩佢嘅鹹蛋黃味道好突出 超邪惡😋仲要起埋沙 但係又唔會太鹹 好好食😍👅𝑃𝑎𝑟𝑚𝑎 𝐻𝑎𝑚 𝑜𝑛 𝑇𝑟𝑖𝑝𝑙𝑒 𝐶ℎ𝑒𝑒𝑠𝑒 𝑃𝑖𝑧𝑧𝑎 (10’) $108佢係用咗墨西哥薄餅嚟做 薄餅有好多芝士 仲有少少拉絲 醬汁都係用咗傳統嘅番茄醬 整體幾好味🤤𝐿𝑢𝑛𝑐ℎ 𝑆𝑒𝑡 (𝑀𝑎𝑖𝑛 + 𝑆𝑜𝑢𝑝 + 𝐷𝑟𝑖𝑛𝑘)👅𝐴𝑛𝑔𝑢𝑠 𝐵𝑒𝑒𝑓 𝐵𝑢𝑟𝑔𝑒𝑟 𝑆𝑎𝑛𝑑𝑤𝑖𝑐ℎ 𝑤𝑖𝑡ℎ 𝑆𝑤𝑒𝑒𝑡 𝑃𝑜𝑡𝑎𝑡𝑜 𝐹𝑟𝑖𝑒𝑠 $88佢係用咗多士而唔係漢堡包 幾特別🤓安格斯牛扒都幾厚切 調味就正常 呢個價錢嚟講算唔錯😛👅𝐹𝑟𝑒𝑠ℎ 𝑀𝑖𝑙𝑘 𝐶ℎ𝑜𝑐𝑜𝑙𝑎𝑡𝑒 (𝑖𝑐𝑒𝑑) +$25 呢杯朱古力幾濃郁 又唔會太甜🥰總括嚟講 呢間餐廳喺馬鞍山嚟講算幾高質😋大家不妨一試😚😋 好味：8.01/10🤑 價錢：7.99/10🤗 服務：7.43/10😝 環境：7.37/10😚 衞生：7.42/10🤩 整體：8.00

星期日黎食都有午市 最平好似58蚊個 星期日黎講係抵食嘅嗌咗個雞扒煎蛋丼 包咗個餐湯湯睇落好淡 但飲落又唔覺 都幾好飲同埋有啲法包粒粒同好多料 魷魚仔蜆仔煎蛋煎得勁靚仔幾好食不過個丼太多湯搞到有啲醎 同埋雞扒都鞋鞋地有進步空間啊🥺小店不易的 大家多多支持

有驚喜CP值高加埋伯爵奶茶美食沙漠既馬鞍山竟然揾到間高CP值既cafe 仲有All day breakfast食，環境不錯，坐得舒服，入面夠大，唔使排囇長龍為左食餐晏

#跟住我食唔中伏.#屯馬線 開通咗之後都多咗去馬鞍山，因為真係有唔少高質餐廳😋puzzle dining cafe 就係其中一間😏最出名嘅就係呢度嘅手沖咖啡☕今次就揀咗淺偏中度烘焙嘅［肯亞AA］🤤微酸帶咖啡香，入囗好滑👍🏻.［照燒雞扒剪蛋三文治配炸地瓜條］😆心心最愛 特別係塊雞扒勁juicy＆烘過嘅外脆內軟厚多士我就中炸地瓜條🙈香甜又高纖～.［芝士醬煙三文魚海鮮焗長通粉］呢個真係估佢唔到咁好食‼️個芝士醬勁香，而且好濃郁三文魚＆海鮮配料都好多，味道好夾，而且焗到微微金黃面又唔會有硬焦！ #超推介.午餐仲會有餐湯配上，係非常健康嘅西蘭花忌廉湯，只有少許草青味，心心都肯飲🙈👍🏻....#ca師奶餐廳_馬鞍山