Gram Cafe & Pancakes

营业中

休息中

店名：Gram cafe & pancakes地点：尖沙咀弥敦道100号The ONE菜式：日式班戟餐牌：咸班戟同甜班戟，班戟有梳乎里款式又有热香饼款式。其他野如三文治，法式多士，雪糕，雪花冰，沙冰，梳打，咖啡，茶，果汁。另外都有午市套餐。杂果朱古力班戟 $108 另加一杂果朱古力班戟系用比较似热香饼既班戟，唔系空气感强𠮶种，而系比较实在𠮶种，味道方面系少少咸。首先呢款杂果朱古力班戟卖相唔错，颜色配搭方面明显系花左心思，杂果五颜六色，有橙，奇异果，士多啤梨同蓝莓。虽然叫杂果朱古力班戟，不过三块班戟系原味，伴有朱古力酱，香滑忌廉一大pat同少少炼奶，仲有撒上糖霜。总括而言，成碟杂果朱古力班戟好轻盈，生果开胃又清新，感觉健康。石板街班戟 $118 另加一石板街班戟卖相好似成个蛋糕，由三块啡色嘅班戟包住一层白色忌廉同一层吉士忌廉，面头洒上朱古力粉同白色糖霜，有少少冬日落雪既感觉。啡色嘅班戟味道咸咸哋，其实冇朱古力味，面头就挤上朱古力酱，上面加左一粒士多啤梨点缀，伴有4粒蓝莓，棉花糖，同少少黏牙嘅鸟结糖。闻到朱古力味好香，不过一人一半食完都唔会太腻。今晚食既两款班戟都各有特色。