風車

营业中

休息中

朋友见我咁苦恼有咩好食，叫我过黎大围呢头揾食。过到黎又真系十几万间野食咁滞，行左一大圈，简左呢间风车餐厅。呢间半bar半餐厅，入到黎个气氛好舒服，播住Taylor Swift, One Republic ,Ed Sheeran 等等的流行欧美音乐。微暗既灯光修饰你的轮廓，配合一杯whiskey sour /Draught Asahi 就系最适合同女伴共进晚餐的地方。可惜今晚我只系一只单身狗，汪汪。言归正传，头盘叫左香煎阿拉斯加蟹肉，多士配合蟹肉，即使唔系天衣无缝都经已无懈可击。多士够薄够脆。之后叫左只西班牙乳猪，呢只可能系我出世到而家食过最好食既乳猪。你难以想像佢可以咁脆之余仲可以咁嫩口，回味无穷。本身想叫杯啤酒，但系谂谂下自己好似无点试过mocktail ，叫左杯strawberry colada，都系水准之上。