影片
更多
2019-01-09
911 浏览
新一年新开始，2019第一日返工，收工之后男朋友约左我系尖沙咀地铁站等，问佢去边又唔讲，食咩又唔讲，净系叫我拉埋把口，跟住佢行。。。我系尖沙咀地铁站join左佢，就行去A出口，上黎海防道，一路向海港城方向行，行到广东道就一个转身向右行，差不多到apple store，被佢拉入左流尚坊。上到8楼，原来系带我去fine dining，食法国私房菜——「Amina Modern European」，估你唔到㖞。座位&环境呢度主要用左黑白灰，行简洁路线，有别于出面间间都玩industrial。而灯光就暗暗地，唔会有强光耀眼，反左成日工，终于有得放松下个人啦！Menu有4款set，2款系8 course，2款系9 course，价钱由$980去到$1380/pax，仲可以散叫再追加食物既。比较有趣嘅系男仕嘅餐牌先有价钱，女仕嘅系无架！我地今晚就叫左个基本嘅8 Course Set，轻松fine dining。首先一黎系餐上小品Amuse Bouche，今日有呢个蜜瓜青苹果汁，甜甜地，果味香浓，饮落好清新。配上风干火腿，咸香味突出，薄薄一片，有d似食紧台式猪肉纸咁，几有趣。一甜一咸刺激味蕾，等我地
我系尖沙咀地铁站join左佢，就行去A出口，上黎海防道，一路向海港城方向行，行到广东道就一个转身向右行，差不多到apple store，被佢拉入左流尚坊。
上到8楼，原来系带我去fine dining，食法国私房菜——「Amina Modern European」，估你唔到㖞。
座位&环境
呢度主要用左黑白灰，行简洁路线，有别于出面间间都玩industrial。而灯光就暗暗地，唔会有强光耀眼，反左成日工，终于有得放松下个人啦！
Menu
有4款set，2款系8 course，2款系9 course，价钱由$980去到$1380/pax，仲可以散叫再追加食物既。比较有趣嘅系男仕嘅餐牌先有价钱，女仕嘅系无架！
我地今晚就叫左个基本嘅8 Course Set，轻松fine dining。
首先一黎系餐上小品Amuse Bouche，今日有呢个蜜瓜青苹果汁，甜甜地，果味香浓，饮落好清新。配上风干火腿，咸香味突出，薄薄一片，有d似食紧台式猪肉纸咁，几有趣。一甜一咸刺激味蕾，等我地可以好好咁品尝之后嘅菜式。
之后就到佢地自家制面包及特色酱 Homemade Bread and Dip，面包松软得黎又带点硬，几有口感，配料有d合桃，配上特色烟熏牛油，食落带有甜味，真系几有特色。
接住系 牛至淹渍八爪鱼 Hokkaido Octopus，玻璃盖一掀开，浓浓嘅苹果木烟熏味即时涌出黎，但食落口，又唔会比烟熏味抢左，反而只有好淡嘅烟熏味，为食物带点余韵。北海道八爪鱼食落爽口弹牙，配上三文鱼籽同青酱，以及淹渍洋葱圈，味带酸甜，更能突显八爪鱼嘅鲜，感觉清新嘅前菜。
然后到 龙蒿卷兔鞍 French Rabbit，话说其实未食过兔肉，「兔兔这么可爱， 怎么可以吃兔兔」。不过新一年都要有d新尝试，试试佢啦。
上枱非常精致，好似艺术品咁，面头放上一块墨鱼汁脆片，中间加上淹渍洋葱圈，苹果醋淹过嘅头芽，主角兔鞍就比龙蒿包住。其实龙蒿都算系法国菜常见香料，香味带甜蜜，配合兔肉又几夹，兔肉本身白肉味淡，加上酸甜红苺酱，好match。
食到3分1，饮个汤清清个口先，今日系 法式牛肉汤 Beef Consommé。汤底牛肉味浓，非常甜润，完全无油感，做得好清。配上配料带子、白萝卜、椰菜花，都系d味道较清嘅配料，唔会污染个汤嘅鲜味，亦能增加食用时嘅口感，呢个配搭值得一赞。
终于到我最爱 香煎法国鹅肝 Foie Gras，煎得非常香脆，切开𥚃面仲系好juicy，入口即溶，外脆内软，处理得好好。旁边有d葡萄酱，亦可以减低鹅肝嘅油腻感。至于南瓜蓉，其实个人几欣赏，佢混和左古斯米，营造左一粒粒比较实在嘅感觉，相比单纯南瓜蓉，口感来得更丰富。味道好有趣，居然令我联想到紫菜味嘅愉快动物饼。
再来系 黑松露有机温泉蛋 68℃ Slow Cook Organic Egg，面头铺上一片片现刨黑松露片，加上帕马森芝士，用上咁豪华嘅材料去配合鸡蛋食用，都系第一次。温泉蛋好滑，而黑松露片及帕马森芝士都系咬落爽口，复杂嘅口感，配上浓浓嘅香气，好满足。
食完味浓嘅野，黎个芭乐雪葩 Sorbet 清清个口再迎接主菜就岩啦。雪芭唔太甜，酸酸地，再配合旁边石榴子，几出色。
主菜我地一人叫一款，我就食慢煮法国鳕鱼，鳕鱼肉质比想像中嫩滑，而且鲜味十足，配合奶白色嘅鱼汤，真系好有鱼味。而且配合青瓜丝食，会更加夹。青瓜丝同鱼肉一爽一软腍，青瓜丝索左鱼汤，食落更添滋味，亦能丰富口感。
Waygu Beef Cheek
20 浏览
0 赞好
0 留言
男朋友就叫左红酒烩和牛面颊肉 Waygu Beef Cheek，望到卖相咁精致，都要偷啖黎食下。
牛面颊肉肉质都几嫩，咬落无渣，牛味都几出，配合面头炸萝白丝，又几好㖞。旁边有用牛油煮过嘅菌类同薯仔，都唔错呀。
Tea
14 浏览
0 赞好
0 留言
食完主菜饮杯茶先，我叫左杯洛神花茶，酸酸地，可以消消刚才嘅油腻，清埋个口，准备迎接甜品。
Dessert
14 浏览
1 赞好
0 留言
甜品Dessert 系蜂蜜蛋糕、焦糖脆脆同抹茶雪糕 。蜂蜜蛋糕味道算系偏甜，不过抹茶雪糕就带有少少甘香，加上甜品有个酸酸地嘅乳酪汁，中和一下，一啖食齐三样就好balance。
最后附上 小甜 Petit Four，系5粒朱古力，有传统Dark chocolate，亦有raspberry 同green tea 味，我地就以甜甜嘅朱古力为呢餐画上句号。
Overall，餐厅总体黎讲菜式都做得好精致，亦有心思去安排每道菜嘅用料配搭，食完系真心有惊喜，有d用料亦无谂体可以咁配衬，学到野呀今次。店员服务态度亦好好，上菜时都会细心解释每道菜用料，务求令你可以完美体验佢地嘅菜式。个人就非常欢喜呢间餐厅，唔知男朋友几时再带我黎食呢？
张贴
