BBQ Chicken (已結業)

我们公司系星期五下午一般都系好relax嘅，因为boss都会提前走，有时自己都会卸吓膀咁喇，上次coco话嘅喺将军澳有一间叫韩国料理店，听讲话几好食咁，咁就梗系拉埋我Ｄ好同事齐齐食齐齐开心喇星期五下午居然都好多人喔...炸鸡点咗芝粉鸡同香蒜炸鸡，满足咗两个人，共十件，个人都系觉得香蒜味道比较好食，肉质好嫩滑，又抵食，真心觉得系做得好傻仔同事就叫左呢个卡邦尼炒年糕，年糕都系韩料必点的吧~年糕好入味，口感方面烟韧之余又唔会有粗糙嘅面粉口感，分量OK，女仔绝对系觉得会多添。侍应都系好有礼貌，招呼周到。大食既我地，亦叫九双重芝士辣鸡，呢个真系意外嘅惊喜吖，首先就个look都已经令人食欲大增，辣鸡嘅辛辣同双重芝士嘅味道劲夹，所以香蒜炸鸡都立即俾我”抛弃”咗，两个人都对呢碟双重芝士辣鸡赞不绝口！食到成个人都热辣辣，冰爽冻饮就梗系要喇！