貴緣小鍋米線

营业中

休息中

过开嚟奥运站呢边，发现咗呢间新开业嘅「贵缘」！收到风原来红磡崇洁街，以前经常帮衬嘅旧铺已经光荣结业，搬咗嚟西九汇！新铺装修后，座位舒服，服务到位。坐低后照旧都系扫曲落单，非常方便！汤底可选清汤、麻辣和酸辣。米线有分淋、适中和爽，悉随尊便！落完单后，冇几耐，店员姐姐就送来两碗热辣辣米线，我拣咗米线适中，我觉得米线腍度刚刚好！酸辣汤底选小辣，辣度相当于谭记的3小辣，好味！跟餐加$28有快闪优惠孜然猪脾仔，记得趁热食呀！个狂惹香烧鸡翼热辣辣都非常之正！米线瘾起就想嚟食返碗抵食米线！跟手去奥海城睇戏！一乐也！