泉章居 (已結業)

老细请食饭，问食咩好，一班八九十后同事话放题或打边炉，上咗年纪嘅我，脑海中闪出「泉章居」三个字 ，加上不自觉冲口而出，老细一位声唔出自已走咗出去订位，今次出事啦！睇一睇各社交纲上嘅食评都喺麻麻地，又话员工无礼貌、梅菜扣肉似罐头、D嘢无以前咁好食、订咗位都要等。当晚食咗咩：盐焗鸡、金银蛋菠菜、炸大肠、咕噜肉、龙趸两食、酥炸鱿鱼和糯米饭（甜品唔记得叫咩）。最后老细和同事都觉得不过不失，喺呀！无叫梅菜扣肉，因为大家都唔想搏，惊失望，其实我对上一次食泉章居佢仲喺波斯富街旧舖，我自己就觉得都唔系网上讲咁差，可能个日楼面同厨房都系状态中，不过只鸡仲系咁正。