影片
更多
2018-07-23
914 浏览
THE ITALIAN CLUB 主打意菜及酒, 啱晒 Happy Friday relexing night。连装饰都系酒, 店内灯光柔和, 把酒畅谈好地方, 不过台与台之间略嫌过密, 倾计有顾忌, 吹水则没问题。Welcome drink ~ Sparkling Wine咁高档嘅, Welcome drink 竟然用白汽酒？呢杯Welcome drink 带少少汽泡, 够晒冰冻, 酒味唔太浓, 较fresh, 啱晒夏天饮。餐包条状餐包, 松软富麦香, 口感偏向烟韧, 不是脆脆类型。Grilled Cheese ($85)今日跟芝士控朋友仔 Happy Friday, 芝士食品少不了, 以前极之唔 like 芝士, 自从去完塔斯曼尼亚, 每一餐机乎都有件芝士食品系左右, 上至沙律前菜, 中至配餐酒, 后至芝士甜品, 唔知系咪食咗十几日, 习惯咗食唔同味道配搭食物嘅芝士, 食食下又真系几好食噃。初时见到芝士咁大嚿有啲惊, 食咁大旧芝士会唔会好腻呢？ 芝士烤得软软的, 奶香芝士香并重, 芝士味不重, 较易被人接受, 带点烧烤焦香, 切片配脆多士或切粒捞沙律菜食相当滋味, 食完饮啖 spa
连装饰都系酒, 店内灯光柔和, 把酒畅谈好地方, 不过台与台之间略嫌过密, 倾计有顾忌, 吹水则没问题。
Welcome drink ~ Sparkling Wine
咁高档嘅, Welcome drink 竟然用白汽酒？呢杯Welcome drink 带少少汽泡, 够晒冰冻, 酒味唔太浓, 较fresh, 啱晒夏天饮。
餐包
条状餐包, 松软富麦香, 口感偏向烟韧, 不是脆脆类型。
Grilled Cheese ($85)
今日跟芝士控朋友仔 Happy Friday, 芝士食品少不了, 以前极之唔 like 芝士, 自从去完塔斯曼尼亚, 每一餐机乎都有件芝士食品系左右, 上至沙律前菜, 中至配餐酒, 后至芝士甜品, 唔知系咪食咗十几日, 习惯咗食唔同味道配搭食物嘅芝士, 食食下又真系几好食噃。
初时见到芝士咁大嚿有啲惊, 食咁大旧芝士会唔会好腻呢？ 芝士烤得软软的, 奶香芝士香并重, 芝士味不重, 较易被人接受, 带点烧烤焦香, 切片配脆多士或切粒捞沙律菜食相当滋味, 食完饮啖 sparkling wine, 一啲都唔腻。
Fassona Beef Tartare ($145)
意大利 Fassone牛在国际食坛甚具名气, 生牛肉唔系个个敢食, 今时今日我对食牛肉他他嘅信心比食三文鱼他他更高, 更何况用咁高质嘅意大利Fassone牛呢？
Fassone碎牛肉应该用了香料、香醋及橄榄油捞, 牛肉口感十分嫩滑, 完全冇生肉的血腥味道, 用来夹面包食good, 但净食更加好食, 若然你想牛肉味道更添层次, 可以加少许附上的柠檬汁/香草汁/蒜油/辣酱, 包你食过返寻味
Spaghetti Tomato Sauce ($105)
食意大利餐厅, 意粉系我必叫必试的食品之一, 意粉煮法正宗, 富麦香又有咬口的意粉我最like, 加上佢哋自家制的九层塔、芝士、橄榄油、蕃茄及肉碎酱, 意粉酱酸香及肉香兼备, 意粉烟韧, 再加点芝士碎, 香而不腻, 食味及口感都很不错。
Ruche IL Chiostro ($88)
今晚打算吃牛, 便叫了这杯红酒配红肉, Chiostro 唔 dry, 也不苦涩, 果酸较强, 啱晒配红肉, 红肉嘅肉汁令红酒入口冇咁酸, 令呢杯红酒变得更顺滑可亲。
Hot Stone Black Angus Striploin ($225)
牛扒烤至5成熟, 放热石上台, 香气四散, 肉质嫰红, 中间位置口感偏软滑, 侧边位置及头尾位置带少许牛筋, 有咬口得黎肉味越赵越浓郁, 牛筋系带脆可以咬得开, 吞得落口那种, 像未腍版的港式卤水牛根, 不是橡筋型, 好食
PineappleTiramisu ($85)
Tiramisu外形不像平时食开的Cake 状, 以甜品杯奉客, 口感都唔系太似, 呢度嘅tiramisu
似慕丝多些, creamy 幼滑。
张贴
