Flames (海濱匯)

营业中

休息中

虽则话停课，但系停课不停学，阿女星期一至五都要E-learning，佢话仲辛苦过返学。趁住星期五晚，我哋决定去观塘海滨长廊走走，先到海滨尽头嘅牛头角食个晚餐。呢头好多新型商厦，我哋去𠮶间餐厅喺海滨汇，旧年初先落成，设计新式，又邻近海皮。餐厅位于商场里面，格局开扬，有一边跟出面嘅草原连接，可以呼吸新鲜空气。唔知系咪今晚系星期五晚嘅缘故，加上呢度有好多金融，跨国企业嘅租户，有好多打工仔落嚟饮番杯，还有不少外籍人士，似乎大家都忘却现时疫情嘅烦恼，开怀共聚。我哋拣咗两个主菜，一个小食，两杯饮品。蟹肉香草蕃茄汁扁意粉蟹肉丰富，茄汁加上香草很惹味，扁意粉软硬适中，份量比一般西餐厅多，啖啖蟹肉都充满意粉上。香草蕃茄汁烩牛面肉扁意粉牛面肉非常之淋，呢个比蟹肉意粉味道较浓，但扁意粉同样烹调得恰到好处，不淋也不硬，份量也非常大，我俩一口一口地吃也吃过不停。香辣炸鸡应该系即叫即炸，炸鸡脆口，里面仲好嫩滑，呢个配啤酒一流，但系我哋两个都系饮咗Coke Zero同菠萝汁。侍应们快手快脚，充满热诚。感受完开心星期五，我哋过返对面马路， 照原定计划，漫步行走海滨长廊。