影片
更多
2024-07-20
1360 浏览
Happy Friday星期五同同事去公司附近食好西🩷呢间Steak House已经嚟过好多次，价钱都偏贵，但系真心好食👍🏻👍🏻Lunch set拣一个主菜，然后加$38可以拣多两款升级套餐嘅嘢，我就拣咗餐汤同埋薯条，同事就拣咗餐汤同埋饮品，饮品冇咩特别嘅所以唔介绍😛🦀🥦今日嘅餐汤系蟹肉西兰花忌廉汤，味道唔错，都有唔少蟹肉，不过略嫌冇咩西兰花味道，亦都唔够忌廉，稀咗啲😅🥔炸薯条次次都会叫，真系炸得好脆，外脆内软，而且每条薯条都好均匀咁洒上盐同埋黑椒，就算唔点茄汁都好味😋😋🦐🐷我嘅主菜系猪柳配大虾，猪柳煎得好香😍，亦都够腍，咬口啱啱好，唔会好似其他餐厅用咗好多松肉粉𠮶种淋得滞，上面有啲苹果粒蕃茄粒做嘅酱汁，好开胃好夹🍎🍅👍🏻👍🏻 大虾开边，肉质弹牙，但系既然开咗边，点解唔顺手挑埋虾肠？条虾肠真系煞风景😟🐮另外两位同事叫嘅系封门柳，五成熟，两位都赞口不绝，五成熟真系刚刚好，有血水👍🏻👍🏻封门柳嘅特征系有嚼头、牛肉味浓，所以如果要食好腍嘅牛扒嘅人就唔适合叫呢个😛😛餐厅喺北角汇嘅地舖，落地玻璃对住出边行人路大草地，面向码头𠮶边比较清静，坐落倾偈都舒服🥰🥰
呢间Steak House已经嚟过好多次，价钱都偏贵，但系真心好食👍🏻👍🏻
Lunch set拣一个主菜，然后加$38可以拣多两款升级套餐嘅嘢，我就拣咗餐汤同埋薯条，同事就拣咗餐汤同埋饮品，饮品冇咩特别嘅所以唔介绍😛
🦀🥦今日嘅餐汤系蟹肉西兰花忌廉汤，味道唔错，都有唔少蟹肉，不过略嫌冇咩西兰花味道，亦都唔够忌廉，稀咗啲😅
🥔炸薯条次次都会叫，真系炸得好脆，外脆内软，而且每条薯条都好均匀咁洒上盐同埋黑椒，就算唔点茄汁都好味😋😋
🦐🐷我嘅主菜系猪柳配大虾，猪柳煎得好香😍，亦都够腍，咬口啱啱好，唔会好似其他餐厅用咗好多松肉粉𠮶种淋得滞，上面有啲苹果粒蕃茄粒做嘅酱汁，好开胃好夹🍎🍅👍🏻👍🏻 大虾开边，肉质弹牙，但系既然开咗边，点解唔顺手挑埋虾肠？条虾肠真系煞风景😟
🐮另外两位同事叫嘅系封门柳，五成熟，两位都赞口不绝，五成熟真系刚刚好，有血水👍🏻👍🏻封门柳嘅特征系有嚼头、牛肉味浓，所以如果要食好腍嘅牛扒嘅人就唔适合叫呢个😛😛
餐厅喺北角汇嘅地舖，落地玻璃对住出边行人路大草地，面向码头𠮶边比较清静，坐落倾偈都舒服🥰🥰
张贴
