酒屋一杯喜

营业中

休息中

开完会想饮返2杯，完全冇谂过喺天后竟然可以有得happy hour，呢间餐厅唔系同事介绍，都唔知道原来咁好feel，环境好有日本嘅感觉，不停播住日本歌，门口仲要开放式， happy hour倾偈嘈啲都冇问题，除左饮酒，我哋叫咗几款食物，饱肚得来，又可以送酒。小食细细份，味道真系唔错，芝士夹梳打饼，咸香味道可以送多一杯酒饮。沙旬鱼干，够香脆，几款串烧都做得好出色，尤其盐烧厚切牛舌好惹味，超级好味。见到隔篱枱食刺身，我哋就少少地点左份5味刺身，有五款唔同嘅刺身，全部都好新鲜，好鲜甜，牡丹虾特别出色，超级大只，好有口感，好满足。饮多几杯啲男士们开始肚饿，呢度除咗有炒饭同埋拉面，估唔到连福冈嘅名菜，牛肠锅都可以食到，个人觉得呢度嘅牛肠锅比起福冈冇咁肥腻，更加适合我嘅口味，另外酱油拉面我哋每人叫咗一碗，酱油汤底好香浓，面质软硬度适中，最钟意叉烧系薄切，好味得来唔会食到好滞，饮饱食醉，真系好开心，成班同事已经讲好咗下星期要再嚟。