Hooray Bar & Restaurant (已結業)

今日放工突然mood到, 同埋老婆去铜锣湾happy hour拍拍拖， 难得老婆今日放早 ，即刻开心晒……呢间餐厅啱啱做紧海鲜拼盘promotion, 只要 叫一支白酒就送你一盆海鲜拼盘。 海鲜拼盘种类不马虎包罗万有， 有虾有青口有翡翠螺, 冰冻够新鲜， happy hour嚟讲质素好好， 配埋白酒系一个好好嘅配搭。饮到咁上下两公婆考虑咗一阵, 既然坐得咁舒服都唔转场啦, 继续喺餐厅𠮶度食埋晚餐。叫咗个煎蟹饼老婆赞不绝口, 不过大大件两个人食有啲啲滞。 香蒜意粉再配一盘蕃茄香草汁大蚬， 因为我钟意蒜蓉和橄榄油所以只要有呢两种香料配乐意粉𠮶度基本上一定合格有余， 至于蕃茄香草汁大蚬蚬都几大只同埋有啲汁配乐意粉𠮶度所以我觉得唔错。 有时呢啲餐厅都系食环境气氛，嘢食合格就已经系一个好好嘅配搭啦！