HeSheEat (THE FOREST)

营业中

休息中

以前成日食呢间，见到喺旺角开咗一定要食!$62 薯条配黑松雾酱薯条份量都好多，每一条都炸到好脆，黑松露上不得了。$65单骨鸡翼配配蜜糖芥末酱呢个价钱以为细份，点知一上枱份量多到吓亲，劲大只鸡翼，仲要炸到脆波波，入边都仲系好Juicy，劲邪恶。$158月见烧牛肉丼估唔到呢个丼饭，系炒饭底，炒饭用咗珍珠米，唔会干珍珍，仲有蟹籽，翠玉瓜，粟米，蛋做配料。牛肉整得啱啱好，有焦香感，入面嘅肉仲系软腍腍，牛尾都好浓郁。仲配埋生鸡蛋，一流。$66 特浓5.0牛乳芭菲 - 朱古力甜品店可以唔叫，软雪糕超滑身，香浓牛奶味，配埋朱古力。仲有Oreo，脆米，nuts ，慕丝朱古力酱。好少喺出边食到咁好食嘅软雪糕。$48 Coconut Pandan Latte好特别嘅饮，斑斓椰子拿铁，成杯都好靓，好啱打卡，斑斓味都好浓郁，两样嘢都好夹。$88 原味梳乎厘班疏乎厘班戟点可以唔食，叫咗原味，超冻，浓郁蛋味，同埋浆超正。成场都爆场，想食记得要book位。仲要途中见到超多人买外卖雪糕。