影片
更多
2024-03-05
30 浏览
餐厅环境几放松，见到Menu上面会写埋每样菜式嘅calories 同埋protein，啱晒注重健康饮食嘅人。最令我惊喜嘅系去到餐厅竟然有live Music听，问一问先知道原来逢星期四同六嘅夜晚六半起会有两节45分钟嘅表演，可以一边睇住表演，一边享受晚餐。见到有表演睇，今次就试左个二人set，慢慢享受。Soup黑松露蘑菇汤周打忌廉汤汤入口香滑，而且仲真材实料，食到汤入面嘅海鲜。Salad烟三文鱼牛油果凯撒沙律三文鱼同牛油果都系健康嘅食材，牛油果切成细细粒但都食得出好滑，其他嘅沙律菜几爽脆新鲜。慢煮鸡胸地中海沙律慢煮过嘅鸡胸几嫩，望落去好白，但食落唔会淡而无味，几钟意鸡胸嘅味道。沙律仲有细细粒嘅芝士调一调味，味道唔会太单调。Starter意式多士拼盘（罗勒芝士，辣肉肠蕃茄）罗勒芝士嘅罗勒酱好香，加埋芝士再烧一烧就更焦香，多士都好香脆。辣肉肠蕃茄味道咸香，带蕃茄少少酸，两款多士味道都唔错。海鲜他他塔伴三文鱼籽虾肉加埋咸咸嘅三文鱼籽，味道几夹，加埋塔底更有口感。 Main香煎带子龙虾汁意粉带子几大粒，意粉软硬适中而且挂汁，食到龙虾汁味道。慢煮猪鞍伴泰式香茅忌廉汁慢煮猪鞍配上泰式香茅忌廉汁感觉
餐厅环境几放松，见到Menu上面会写埋每样菜式嘅calories 同埋protein，啱晒注重健康饮食嘅人。最令我惊喜嘅系去到餐厅竟然有live Music听，问一问先知道原来逢星期四同六嘅夜晚六半起会有两节45分钟嘅表演，可以一边睇住表演，一边享受晚餐。见到有表演睇，今次就试左个二人set，慢慢享受。
Soup
黑松露蘑菇汤
周打忌廉汤
汤入口香滑，而且仲真材实料，食到汤入面嘅海鲜。
Salad
烟三文鱼牛油果凯撒沙律
三文鱼同牛油果都系健康嘅食材，牛油果切成细细粒但都食得出好滑，其他嘅沙律菜几爽脆新鲜。
慢煮鸡胸地中海沙律
慢煮过嘅鸡胸几嫩，望落去好白，但食落唔会淡而无味，几钟意鸡胸嘅味道。沙律仲有细细粒嘅芝士调一调味，味道唔会太单调。
Starter
意式多士拼盘（罗勒芝士，辣肉肠蕃茄）
罗勒芝士嘅罗勒酱好香，加埋芝士再烧一烧就更焦香，多士都好香脆。辣肉肠蕃茄味道咸香，带蕃茄少少酸，两款多士味道都唔错。
海鲜他他塔伴三文鱼籽
虾肉加埋咸咸嘅三文鱼籽，味道几夹，加埋塔底更有口感。
Main
香煎带子龙虾汁意粉
带子几大粒，意粉软硬适中而且挂汁，食到龙虾汁味道。
慢煮猪鞍伴泰式香茅忌廉汁
慢煮猪鞍配上泰式香茅忌廉汁感觉特别，猪鞍一啲都唔韧，猪味几浓。泰式香茅忌廉汁加左好多泰式香料，食到香茅嘅味道，食落有少少似青咖哩嘅感觉。
Daily dessert
面包布丁
食落面包嘅质感唔明显，食落系软得黎带少少实嘅布丁嘅口感，食落几特别，而且好香甜。
焦糖炖蛋
炖蛋好滑嫩，入口好香甜，脆脆焦糖，唔会过甜，一口接一口。估唔到餐厅嘅甜品又几惊喜。
焦糖炖蛋
16 浏览
0 赞好
0 留言
张贴
