一鍋堂 (XX Arcade) (已結業)

又去一锅堂打边炉喇，对于生酮嘅人真系最好选择，可以肆无忌惮地尽情食饱饱。好彩早左行过黎，未到7点已经开始多人要等一阵，迟多少少就唔知等几耐。呢排天气真系热到不得了，入到黎凉浸浸，冷气够大，劲舒服呀。环境够光，干净企理，座位阔落，系我喜欢黎嘅原因。第二个原因系有特色汤底，平时嘅芫荽皮蛋／番茄鱼汤／沙嗲汤底喺屋企食就可以，但特色嘅真系要出街先试到。喇沙、冬阴公、沙参肉竹鲨鱼骨、潮汕汤等，花多眼乱，入场时店员会问要咩汤底先，所以早d谂定。我地今次试冬阴公配胡椒猪肚汤，之前一直想试但惊古怪，但出黎感觉绝对系夹。胡椒猪肚汤，奶白色嘅汤底，浓郁鲜香，美味又养胃，适合放蔬菜同菇菌类。冬阴公汤带有辣辣酸酸嘅鲜香味道，超喜欢香茅、姜、柠檬嘅味道，未放料前饮下啖汤真系好正，香浓好味，呢边放肉肉就最正，索晒d味道。店内设有自助区，有热食，前菜；同埋有几个大雪柜，多款饮品同蔬菜。仲有雪糕机，调味料区，任君选择。饮品雪柜好大，而且有d自家制饮品。另外仲设有雪柜放蔬菜，有好多种类嘅新鲜蔬菜提供。美国安格斯牛肉、封门柳、肩胛肉眼等，全部都肉质鲜嫩，油脂均匀，牛味香浓超好食，够嫩又好重牛肉味，食过返寻味。牛脷心托超好