影片
更多
2024-03-02
8340 浏览
💰人均 800HKD (晚市)趁女朋友生日🎂一于带佢去一直都想试嘅高级西餐厅《希戈餐厅 》(Hugo’s)，相信唔少好西师都听过呢间餐厅，尤其系佢嘅Roasted Prime Rib😋Hugo’s 由1969年开业，佢嘅历史可以追溯到以前喺弥敦道嘅香港凯悦酒店，之后搬咗去现时位于河内道嘅香港尖沙咀凯悦酒店。Hugo’s 至今仍然保留咗部分原有嘅装潢同餐具，包括系餐厅门口迎接各位食客嘅希戈盔甲、天花吊灯、长枪、盾牌同埋传统银器餐具，令餐厅更加经典有型。作为一间五星酒店内嘅高级西餐厅，除左食物之外，服务水平都十分重要，Hugo’s就无令我地失望。无论喺上菜，点餐，用膳嘅时候，侍应们有留意住食客嘅需要去即时作出反应，令到我地整晚都食得好愉快。~🤩餐前面包 呢到嘅餐前面包真系超好食🤤上台嘅时候仲热辣辣，面包咬落松软，附送嘅牛油香而不腻，未开始正式上菜我都已经差唔多食晒啲面包🤣🤩凯撒沙律 (HKD225)食亲西餐我都习惯先食份沙律，呢到嘅Caesar Salad系会席前处理，厨师会推住架车仔来到你台前即席制作。罗马生菜十分新鲜爽口，酱汁亦非常开胃。🤩布根地式焗田螺 (HKD140/ 6pcs)跟
趁女朋友生日🎂一于带佢去一直都想试嘅高级西餐厅《希戈餐厅 》(Hugo’s)，相信唔少好西师都听过呢间餐厅，尤其系佢嘅Roasted Prime Rib😋
Hugo’s 由1969年开业，佢嘅历史可以追溯到以前喺弥敦道嘅香港凯悦酒店，之后搬咗去现时位于河内道嘅香港尖沙咀凯悦酒店。Hugo’s 至今仍然保留咗部分原有嘅装潢同餐具，包括系餐厅门口迎接各位食客嘅希戈盔甲、天花吊灯、长枪、盾牌同埋传统银器餐具，令餐厅更加经典有型。
作为一间五星酒店内嘅高级西餐厅，除左食物之外，服务水平都十分重要，Hugo’s就无令我地失望。无论喺上菜，点餐，用膳嘅时候，侍应们有留意住食客嘅需要去即时作出反应，令到我地整晚都食得好愉快。
~
🤩餐前面包呢到嘅餐前面包真系超好食🤤上台嘅时候仲热辣辣，面包咬落松软，附送嘅牛油香而不腻，未开始正式上菜我都已经差唔多食晒啲面包🤣
🤩凯撒沙律 (HKD225)食亲西餐我都习惯先食份沙律，呢到嘅Caesar Salad系会席前处理，厨师会推住架车仔来到你台前即席制作。罗马生菜十分新鲜爽口，酱汁亦非常开胃。
🤩布根地式焗田螺 (HKD140/ 6pcs)跟住我要求想试下焗田螺🐌，但女朋友话唔太喜欢，所以我地就叫左一份六只去share，待应都帮我地分开左两份咁上，同时亦千叮万嘱我地唔好掂个银盘，因为好热😂非常细心👍上菜时我地已经闻到香喷喷嘅牛油香，餐厅会附上一套工具方便食客去享用。田螺咬落会有啖啖嘅香草牛油香，但亦无盖过田螺肉嘅鲜甜，不过田螺肉示必个个都接受到😂大家第一次来可以先叫一份share试下
🤩烧美国顶级牛肋肉 (HKD810/ 450g)来到今晚嘅主角 Roasted Prime Rib🥩 （提提大家⚠️Hugo’s brunch 嘅烧牛肋肉同a la carte嘅烧牛肋肉份量系唔同，a la carte嘅份量系大啲，所以order时要注意）
因为寿星女系细食之人，所以我地叫左一份(medium rare)去share，餐厅好细心地帮我地整左两份。佢嘅上菜都系较特别，师傅会推住一架放住一旧prime rib嘅车仔到你面前切，再煮埋个酱汁，然后摆盘上菜。每份除左prime rib之外，仲会附上一个yorkshire pudding作伴碟。牛肉嘅生熟程度刚好，肉质粉嫩，酱汁嘅调味恰好，唔会抢走本身牛肉嘅味道，pudding外脆内软，用来点个酱汁简直一流👍
🤩火焰焗雪山 (HKD300/ for 2 persons) & 朱古力脆皮球 （free）来到最后嘅甜品环节，如果大家钟意打卡（好似我咁😂），我会推荐大家叫呢个火焰焗雪山。因为上菜前，餐厅职员会即席用酒去烹煮出『火焰』🔥然后倒上甜品上造火焰雪山效果。呢款甜品系用蛋白霜作外层包裹住内层嘅桑莓雪糕🫐🍓，食落去蛋白霜嘅甜味刚好中和到桑莓嘅酸，十分之夹，份量亦够两人share。
餐厅职员知道呢餐系庆祝生日特意送上一份朱古力脆皮球俾我地（十分sweet🥰），脆皮球用银制雪糕杯载住，内面附上干冰，能够防止溶化同时亦增加左仪式感🤣佢系用朱古力🍫包住云呢拿雪糕🍦嘅一款甜品。两款甜品入面，简单嘅朱古力脆皮球队更加合我口味。
～
[总结]
💵价钱中上但合理
🤵服务非常好
👨🍳食物有水准
🥂庆祝之选
张贴
