4口

营业中

休息中

一间自己好钟意食嘅中菜餐厅，炒米粉系必点之选，而钟意豪华嘅可以叫佢哋嘅佛跳墙套餐，保证够足料。黑蒜香煎带子 $178摆盘十分精致而且绝对唔系得个样，带子口感外酥内软，酱汁有好好咁浸入其中，味道香口又惹味，黑蒜起到调味作用之余本身亦好香甜美味。松子姜蓉菠菜 $38青嫩嘅菠菜配搭埋松子香同姜蓉嘅惹味，令呢道冷盘口味变得非常清新，口感爽嫩越食越开胃。福建金汤佛跳墙套餐 $268套餐会跟面线同一款自选小食，我就拣咗冷盘嘅腊味鸡肉卷，佛跳墙材料有鸟蛋、鲍鱼、海参、花胶、猪肚等十分足料，金汤质感浓厚，味道香浓美味，倒落面线一齐食十分之夹。腊味鸡肉卷腊味嘅香味突出，外层鸡肉包住令口感层次丰富好多，估唔到冷盘腊味都可以咁好味。高汤焖炒纯米粉 $138每次嚟都必点嘅炒米粉，米粉炒得够晒干身，高汤味道完全浸入晒米粉当中，每口都有浓郁高汤美味，保持一贯水准。椰奶银耳炖桃胶 $58初试咗两款甜品，第一款嘅椰奶味道够香甜，银耳同桃胶食落好有口感。润肺枇杷冻 $48第二款系枇杷冻，食落带有好香嘅枇杷味，甜度适中，食落够晒润喉润肺。