影片
更多
2023-07-20
53 浏览
呢排好钟意食中菜，中环做完野就去咗ifc 内的江南Jiang Nan 食江南菜！餐厅私隐度好高，服务都好殷勤周到！萝卜丝酥饼（$58）萝卜造型嘅酥饼躺在朱古力饼碎制成嘅泥土上，卖相可爱！萝卜丝酥饼外层松化，层次分明，入口毫不油腻！特色小笼包（黑松露带子、虾头油鲜虾、冬阴功）（$68）三款小笼包都各有特色，皮薄馅靓，好多汤汁。冬阴功小笼包盛载嘅肉汁正正系冬阴功，味道辣中带鲜，好特别。黑松露带子味就充满松露香，虾头油鲜虾好鲜，岀色！蒜泥黑豚肉卷($88)豚肉卷住清新嘅青瓜，配搭蒜泥唤醒味蕾，惹味又清爽嘅一道冷盘。重庆水煮牛肉($168)水煮牛肉份量慷慨，牛肉好高质，好有肉味，肉质软腍，底下仲有薯粉，滑溜挂汤，不过水煮汤底就略嫌唔够香辣。火腿津白($98)娃娃菜用高汤浸煮，味道鲜甜，金华火腿增添咸香。葱油拌面($63)幼面面质唔错，口感弹牙带韧性！整体比较清淡健康，但个人都系钟意邪恶d，多d葱油，香味会更加提升！蔓越莓煎饼($58)好似一幅画咁靓嘅甜品，摆成一朵花咁，艺术感十足！煎饼都好好食，煎至外皮金黄香脆，内里烟烟韧韧，甜度啱啱好！另外仲点咗一杯荔枝爆珠梳打特饮，饮品上放咗两只黄色鸭仔，
萝卜丝酥饼（$58）
萝卜造型嘅酥饼躺在朱古力饼碎制成嘅泥土上，卖相可爱！萝卜丝酥饼外层松化，层次分明，入口毫不油腻！
特色小笼包（黑松露带子、虾头油鲜虾、冬阴功）（$68）三款小笼包都各有特色，皮薄馅靓，好多汤汁。冬阴功小笼包盛载嘅肉汁正正系冬阴功，味道辣中带鲜，好特别。黑松露带子味就充满松露香，虾头油鲜虾好鲜，岀色！
蒜泥黑豚肉卷($88)豚肉卷住清新嘅青瓜，配搭蒜泥唤醒味蕾，惹味又清爽嘅一道冷盘。
重庆水煮牛肉($168)水煮牛肉份量慷慨，牛肉好高质，好有肉味，肉质软腍，底下仲有薯粉，滑溜挂汤，不过水煮汤底就略嫌唔够香辣。
火腿津白($98)娃娃菜用高汤浸煮，味道鲜甜，金华火腿增添咸香。
葱油拌面($63)幼面面质唔错，口感弹牙带韧性！整体比较清淡健康，但个人都系钟意邪恶d，多d葱油，香味会更加提升！
蔓越莓煎饼($58)好似一幅画咁靓嘅甜品，摆成一朵花咁，艺术感十足！煎饼都好好食，煎至外皮金黄香脆，内里烟烟韧韧，甜度啱啱好！
另外仲点咗一杯荔枝爆珠梳打特饮，饮品上放咗两只黄色鸭仔，造型可爱，犹如在海中畅游！第二杯仲有半价优惠！
张贴
