影片
更多
2024-12-01
239 浏览
今日下昼又出咗去食午饭，第一次去IFC唐述，12:30去到好彩仲有最后一张枱唔使等位，不过就冇大堂餐枱可以睇海景，入咗去厢房开餐。点咗两个一人套餐，再加几个散点。普洱茶属于较为陈年茶叶，茶底较薄缺乏爆炸力。灯影莲藕系薄切莲藕片属于冷盘 ，Wasabi加甜酱汁，辣辣甜甜好脆口，餐前菜醒醒胃。黑砖豆腐，似椒盐豆腐再加西瓜芒果碎，外皮shortshort脆又松化，口感超特别，豆腐好嫩滑。五福临门花雕浸鲍鱼，用咗20年嘅花雕泡浸，酒味浓郁顺口，鲍鱼好腍滑但鲍鱼味淡薄，20年嘅花雕醇厚好饮过白兰地。柚子虾味淡而虾肉较为腍身，感觉一般般。昆布蕃茄仔上面加咗块海藻，煮法有啲似法国嘅冻蕃茄汤，简单但有心思。葱油糖心带子似系落咗Pesto，带子肉带淡淡甜味，未烹制前浸咗特别嘅汁液，好食!鸳鸯荞头同坊间荞头相似，冇乜特别食味。花胶石头鱼汤有蕃茄豆腐桃胶草菇。黑胡椒味有啲过重，口感味道复杂。烧鹅酥味道普通，食到有少少油益味，唔通用咗过期烧鹅？叉烧酥就落咗咖喱粉，外皮松化味浓，叉烧酥好过烧鹅酥，起码冇油益味。虾饺馅料全部都系超大粒虾肉，味浓肉爽，用咗莴笋垫底，连莴笋都食埋唔好嘥！蟹肉饺似食大波波软糖，软檽有淡
普洱茶属于较为陈年茶叶，茶底较薄缺乏爆炸力。
灯影莲藕系薄切莲藕片属于冷盘 ，Wasabi加甜酱汁，辣辣甜甜好脆口，餐前菜醒醒胃。
黑砖豆腐，似椒盐豆腐再加西瓜芒果碎，外皮shortshort脆又松化，口感超特别，豆腐好嫩滑。
五福临门
花雕浸鲍鱼，用咗20年嘅花雕泡浸，酒味浓郁顺口，鲍鱼好腍滑但鲍鱼味淡薄，20年嘅花雕醇厚好饮过白兰地。
柚子虾味淡而虾肉较为腍身，感觉一般般。
昆布蕃茄仔上面加咗块海藻，煮法有啲似法国嘅冻蕃茄汤，简单但有心思。
葱油糖心带子似系落咗Pesto，带子肉带淡淡甜味，未烹制前浸咗特别嘅汁液，好食!
鸳鸯荞头同坊间荞头相似，冇乜特别食味。
花胶石头鱼汤有蕃茄豆腐桃胶草菇。黑胡椒味有啲过重，口感味道复杂。
烧鹅酥味道普通，食到有少少油益味，唔通用咗过期烧鹅？
叉烧酥就落咗咖喱粉，外皮松化味浓，叉烧酥好过烧鹅酥，起码冇油益味。
虾饺馅料全部都系超大粒虾肉，味浓肉爽，用咗莴笋垫底，连莴笋都食埋唔好嘥！
蟹肉饺似食大波波软糖，软檽有淡淡蟹味，真系好得意，咁都比大厨煮到出嚟。
古法山楂咕噜肉炸䊢外皮薄薄酥脆，甜甜酸酸山楂味唔特出，肉质软嫩，有水准之作。
鲍鱼鹅掌掌肉超腍味重，鲍鱼超正味浓郁，𡁻多几啖细细品尝糖心鲍鱼嘅美味，可惜无叫面，嘥晒啲咁正嘅鲍鱼汁。
太子肉枕系蟹膏豆腐捞龙虾肉，龙虾肉有啲烟靭，不过都弹牙，加埋各有所长嘅蟹膏同豆腐，口感非常复杂。
蕃茄炒蛋煎马友，鱼皮煎得好香脆，奈何马友肉味淡，蕃茄炒蛋几好食。
甘栗珍菌炆饭，米饭较为湿身略甜，有竹笙羊肚菌，用料足够多个米饭，栗子软软甜甜，做法特别。
珠光宝盒原来系冻冰冰甜品，用白朱古力椰子味外皮包住开心果mouse，卖相同做法都花咗唔少心思，味道口感趣怪好食而有少少偏甜。
姜茶汤圆，绿色汤圆用泰式Pandan椰丝糖做馅料，番薯汤圆馅料好松化冇渣，白色汤圆就系蔴蓉馅料，姜汁润滑辣辣地够晒姜味。
食店装修华丽，布置考心思，座位宽敞舒适，餐桌瓷器杯碟碗筷够精致，属于新派中菜食肆，烹煮用心用力，食材选料上乘，下午饭每人花费$700，稍为偏贵但物有所值，储够钱值得再去帮衬！虽然坐于厢房较隐蔽，侍应不断留心客人需要，服务勤快有礼貌，值得一赞。
鲍鱼鹅掌
0 浏览
0 赞好
0 留言
张贴
