影片
更多
2024-06-27
181 浏览
Espresso Alchemy系我其中一间最钟意嘅Coffee shop之一，去过荃湾同鲗鱼涌分店后，今次系第一次嚟尖沙咀海港城分店。每间分店嘅装潢都各有风格，海港城呢间有拱门设计，色调系墨绿同啡红色为主，成个环境都好Instagrammable! Alchemy 全日早餐：由于带埋小朋友去食，所以特别喺落单时，同店员讲明，希望炒蛋系熟蛋，佢地都有好友善地提返，个口感可能会嚡口啲。虽然系咁，但食落其实个炒蛋都唔会嚡口，有淡淡嘅奶香味。肠仔、蘑菇、牛角包都好味。菠菜芝士意粉配忌廉汁：芝士同忌廉味香郁，而菠菜煮得好滑嫩，意粉都弹牙嘅。整体嘅味道唔会好浓，值得一试。西多士伴鲜浆果及雪糕配自家制海盐焦糖酱：西多士几乎系每次必点嘅菜式，不过同之前喺另外两间分店食嘅唔同，今次唔系用杂莓酱，而系海盐焦糖酱，亦都多左水果同埋雪糕。西多士外脆内软，蘸埋海盐焦糖，再加冰凉嘅雪糕，成个口感好正！冷泡咖啡我老公上次试完冷泡咖啡后，一直心心念念。钟意Alchemy嘅Cold Brew presentation 方式，会有张精美嘅卡，入面嘅资讯话到俾你听，啲咖啡豆来自边度、味道有咩特色、背后嘅故事等。今次呢款咖
Alchemy 全日早餐：
由于带埋小朋友去食，所以特别喺落单时，同店员讲明，希望炒蛋系熟蛋，佢地都有好友善地提返，个口感可能会嚡口啲。虽然系咁，但食落其实个炒蛋都唔会嚡口，有淡淡嘅奶香味。肠仔、蘑菇、牛角包都好味。
菠菜芝士意粉配忌廉汁：
芝士同忌廉味香郁，而菠菜煮得好滑嫩，意粉都弹牙嘅。整体嘅味道唔会好浓，值得一试。
西多士伴鲜浆果及雪糕配自家制海盐焦糖酱：
西多士几乎系每次必点嘅菜式，不过同之前喺另外两间分店食嘅唔同，今次唔系用杂莓酱，而系海盐焦糖酱，亦都多左水果同埋雪糕。西多士外脆内软，蘸埋海盐焦糖，再加冰凉嘅雪糕，成个口感好正！
冷泡咖啡
我老公上次试完冷泡咖啡后，一直心心念念。钟意Alchemy嘅Cold Brew presentation 方式，会有张精美嘅卡，入面嘅资讯话到俾你听，啲咖啡豆来自边度、味道有咩特色、背后嘅故事等。今次呢款咖啡味果香几重、带微微果酸，好饮㖞！同埋球形嘅冰粒够大粒，慢慢品尝杯咖啡时，都仲可以keep住冻。
Menu:
张贴
