JK Kitchen (已結業)

收工约埋fd一齐去食越南菜，上到去环境不错，成间装修都系蓝白色，环境都静静地，因为每台隔既位置都唔系好近，可以大肆咁同fd吹水呀～另外waiter态度都好好～小食拼盘-入面有5样嘢，有鱼饼，鸡翼，春卷，薯仔丝炸虾同埋蔗虾，啱晒想试唔同小食既人～样样都炸得好香好脆～炒通菜好惹味，通菜都好新鲜好嫩～JK 汤河-入面有几种肉，分别系熟牛肉，牛腩，札肉～汤底又好有味，我同fd都好钟意食呢个汤河～米纸卷-入面好多料，米粉比例最多，仲有青瓜，虾同肉，大大啖口感好丰富，好清爽好啱做开胃菜👍🏻👍🏻👍🏻菠萝猪颈肉炒饭-呢个饭好抵食，除左猪颈肉好多之外，估唔到饭入面都咁足料，有肉松，虾，提子干，菠萝等等！食到我地好饱！价钱又唔贵，性价比好高呀。