影片
更多
2018-02-09
26 浏览
夜妈妈，冻冰冰，两个人都唔知食咩好，见到呢个牌闪下闪下，再望望，原来呢间餐厅是食串烧。嗯，就食串烧啦。坐入去，餐厅原来播紧韩国劲歌MTV。韩国嘅MTV制作不嬲都好过香港𠮶啲多多声㗎啦，今晚一于一路叹串烧一路睇K-POP，好正呀!最初唔知呢间餐厅啲水准得唔得，所以先嚟第一个round，少少哋试下先。【炭烧司华力肠】用少少椰菜丝垫住，好似无咁热气。一条司华力肠，可以切开5大旧，加咗少少辣，醒胃。【特大蒲烧鳗鱼】Size 真系特大级。喺一田买条细嘅雪藏鳗鱼都要 $68啦，依家烧到香喷喷送到面前都只系$88乍，抵食啦。切开成10大件。食落入口即溶，啲鳗鱼汁又惹味。【烟肉芝士烧烤菇】呢个烤菇几特别。烧香咗只大菇之后，再将啲芝士同烟肉碎放上面，然后再烧溶啲芝士，个样好似葡挞咁。切开之后，芝士涌晒出嚟。食落又几好味㖞。见第一round 嘅嘢食都唔错，就放心再叫多啲嘢食，继续享受K-POP MTV。【烧大鱿鱼筒】、【蒜蓉澳洲茄子】比较上，鱿鱼筒就逊色咗啲，无咩味道，要加些辣粉吊吊味。个茄子就完全唔同，烧熟咗个茄子上面有大量香蒜同埋粉丝，口感丰富，味道唔错。【串烧大拼盘】呢个大拼盘其实系自选的。我哋一次
坐入去，餐厅原来播紧韩国劲歌MTV。韩国嘅MTV制作不嬲都好过香港𠮶啲多多声㗎啦，今晚一于一路叹串烧一路睇K-POP，好正呀!
最初唔知呢间餐厅啲水准得唔得，所以先嚟第一个round，少少哋试下先。
【炭烧司华力肠】
用少少椰菜丝垫住，好似无咁热气。
一条司华力肠，可以切开5大旧，加咗少少辣，醒胃。
【特大蒲烧鳗鱼】
Size 真系特大级。喺一田买条细嘅雪藏鳗鱼都要 $68啦，依家烧到香喷喷送到面前都只系$88乍，抵食啦。
切开成10大件。食落入口即溶，啲鳗鱼汁又惹味。
【烟肉芝士烧烤菇】
呢个烤菇几特别。烧香咗只大菇之后，再将啲芝士同烟肉碎放上面，然后再烧溶啲芝士，个样好似葡挞咁。
切开之后，芝士涌晒出嚟。食落又几好味㖞。
见第一round 嘅嘢食都唔错，就放心再叫多啲嘢食，继续享受K-POP MTV。
【烧大鱿鱼筒】、【蒜蓉澳洲茄子】
比较上，鱿鱼筒就逊色咗啲，无咩味道，要加些辣粉吊吊味。个茄子就完全唔同，烧熟咗个茄子上面有大量香蒜同埋粉丝，口感丰富，味道唔错。
【串烧大拼盘】
呢个大拼盘其实系自选的。我哋一次过叫多8款嘢食，厨房就将佢哋以拼盘形式来上，有啲震撼。
有韩式猪五花腩、孜然羊串、北海道墨汁豚肉肠、盐烧多春鱼、珍宝松叶蟹棒、烧墨鱼串、烧芦笋串和烧香草羊架。我哋要求加辣，所以样样都烧得好好味，尤其是烧半架，一啲都唔膻，腌得又够味。
饮住啤酒，睇埋MTV，咁就叹咗成个夜晚。
张贴
