影片
更多
2009-11-13
26 浏览
今晚我地返完hku拎gown，一早book左台食饭，我book左8:30，点知我地8:10就去到。问阿姐可唔可以早少少有台，其实我完全无催佢既意思，点知佢劲激动讲一轮野，叫我等等，我觉得其实佢可以冷静少少。最后我地都系要等到8:30，阿姐话唔好意思，其实又唔关佢事既，系我地自己早到姐.... 唔通我个样好恶咩?今晚好多人生日，佢有live show架嘛，我地成晚要keep住唱happy birthday，唱左好鬼多次，多人都唔紧要，但坐我后面台客真系嘈到爆，我地系keep住要好大声讲野，有少少辛苦。同学仔想叫酒饮，但我就唔系太想饮酒，因为呢轮皮肤都已经唔系太好，所以最后佢地叫酒，我就叫左杯Summer Drink - MangoTango，哈哈，佢系芒果汁，七喜几样野沟埋，都几好饮架，好冰冻，有d好微细既冰粒，唔会太甜，又香芒果味，gd! 我地叫左个酸希灵鱼配蛋沙律，d希灵鱼好酸呀，但我又觉得酸得黎几好味，因为几肥美架，但朋友就麻麻地钟意话觉得腥同咸左D，我觉得OK呀! 蛋沙律下面有好多红色一粒粒，食落去有D似莓既物体，呢个就无咩特别，普通既蛋沙律咁，唔会难食。之后就系MAIN COU
今晚好多人生日，佢有live show架嘛，我地成晚要keep住唱happy birthday，唱左好鬼多次，多人都唔紧要，但坐我后面台客真系嘈到爆，我地系keep住要好大声讲野，有少少辛苦。
同学仔想叫酒饮，但我就唔系太想饮酒，因为呢轮皮肤都已经唔系太好，所以最后佢地叫酒，我就叫左杯Summer Drink - MangoTango，哈哈，佢系芒果汁，七喜几样野沟埋，都几好饮架，好冰冻，有d好微细既冰粒，唔会太甜，又香芒果味，gd!
我地叫左个酸希灵鱼配蛋沙律，d希灵鱼好酸呀，但我又觉得酸得黎几好味，因为几肥美架，但朋友就麻麻地钟意话觉得腥同咸左D，我觉得OK呀! 蛋沙律下面有好多红色一粒粒，食落去有D似莓既物体，呢个就无咩特别，普通既蛋沙律咁，唔会难食。
之后就系MAIN COURSE啦，首先系德国肠拼盘拌烧薯、酸椰菜及薯仔沙律，其实我又唔系太识得分d肠仔系边只打边只，不过普遍都系好味的，有一只食落去有好多芝士流出黎，好正架。 D肠仔通常都系过咸，好彩有D酸椰菜可以调剂下个味道。我觉得薯仔沙律几好味，味道适中，亦唔会有好滞既感觉。
脆皮烧猪肘配酸椰菜及薯仔，服务员帮我地分左 7 份先放上台，真系细心，个皮好脆，不过脆到有D过头，好鬼硬。肥肉不多，啱哂我地，朋友话佢系德国系唔系烧系焗既，而且更加大份好多，同埋佢话呢度咸左少少。不过我觉得都ok呀，肉质又嫩口，点甜芥辣食下真系唔错。食完都已经饱哂。
仲有个牛尾肉酱汁天使面，份量比我想像中小，但食下食下又差唔多。天使面好滑，但我觉得个酱汁少左d，变左有d面好淡。有d细细既牛尾粒好食，好鬼入味，牛尾整得好真系好唔错架。最后我地仲有2个甜品，软心朱古力蛋糕同埋苹果酥饼，2个都唔差，但又唔可以话好好食。个朱古力蛋糕入面系软心，但唔会有朱古力流出黎架，不过佢焗到出面个层脆脆地几得意。苹果个个佢有好多蓝莓系隔离，不过觉得有d似药水味，哈哈。
埋单每人都要过二百蚊，都唔平架，但事实上我地都食左几多野。服务可以接受，但环境就真系嘈到拆天咁......
张贴
