心齋 (已搬遷) 新店位置

已经有一段时间无去过心斋啦，知道最近搬左新舗，所以就同几个朋友去开餐试试。新环境地点吾错，交通方便，坐得几舒服，系个倾偈吾错嘅地方。我地三个一坐低首先点左干煸四季豆同咖喱粉丝煲。干煸四季豆味道都几辣，而咖喱粉丝煲嘅味道吾错，够热。之后再点左酸辣汤同松仁黑松露酱炒饭，个酸辣汤嘅卖相同一般上海菜嘅有啲分别，但味道又差不多，重胡椒味，够辣。而黑松露酱炒饭就炒得好靓好好味，够干身，粒粒都有黑松露嘅味。以我呢个无饭不欢咁咀“雕”嘅都话好。之后当然系最期待嘅甜品啦，我地点左莲花糍，枣茸千层糕同桂花糕。莲花糍入面馅料十足，果然无令我失望。而枣茸千层糕又系继续keep到水准，枣嘅香同椰甜系天作之合。我一向对桂花都一般般，但朋友点左桂花糕就点都试下，一入口有啲牙，但又吾系大菜糕同鱼胶嘅味，而桂花嘅清香又系真桂花嘅味，吾系一啲假嘅香味。整体嚟讲新心斋比之前有改良过，环境新左，交通方便左，味道都Keep 得到。下次再去试下其他嘅菜式。