喜記蟹將軍 (iSQUARE國際廣場) (已搬遷) 新店位置

妈咪好钟意食呢间店嘅炒蟹架，侍应会帮手剥蟹蚶，换碟次数又多，趁住有特价我又黎食个4-6人龙蟹宴，全包盛惠一千蚊都唔洗，包罗万有嘅菜式，超级抵食！先黎个鲜淮山酸姜，健康开胃～椒盐波士顿龙虾同避风塘炒辣蟹，劲香口！份量唔少，连龙虾软壳，经过椒盐炸过之后，都变得好食好脆，壳肉之间嘅肉汁...妈呀！好食到晕呀！经过以往经验，今次炒辣蟹拣嘅辣度系微辣，少辣多香脆嘅避风塘炸蒜，埋住嘅蟹肉，超级惹味！秘制豉椒炒蚬，甜甜辣辣，d肉仲好大粒，个个都食到Lam Lam 脷！挂住食蟹忙到差d唔记得食烧汁野菌牛柳粒，又腍又惹味！仲有香甜嘅金银蛋苋菜、入味卤水鹅（例牌），蟹油炒面。继续keep住家庭聚餐list头几位。