KLN Cafe (已結業)

难得去到观塘见网上啲人几推介呢间隐世cafe所以就嚟一试地址话就话系熟食市场，但系唔系街市入面亦都唔会污糟，而且地下有标志教人系边个位上去，唔难揾的。入到去，间店几有潮味，以黑色为主调，门口道门就用仿工厂式设计。而呢间店主打「西式」车仔面，几有谂头有特色。个餐牌啲图用手绘风格几靓，而且内容几清晰写清点餐程序，先拣意粉定饭然后有六个酱汁拣，再拣多两个配料就完成。意大利饭配白汁、鸡肉、虾仁，个意大利饭本身以为同平时啲西餐厅一样份量好少，但估唔到佢系成个镬咁上，都几大碗，啲饭跟返香港人口味唔会煮太硬，配埋白汁好香口。意粉配白汁、牛柳粒、蚬肉，意粉系扁意粉，而牛柳粒熟度刚好唔会鞋，而蚬肉都几鲜甜，唔会有阵苦涩味。