L'attitude (已結業)

每逢系坚尼地城行过都会比呢间餐厅既装潢吸引住，见到入面有好多可爱既公仔，成个feel够晒warm，今次再去西环就决定同朋友试下呢间餐厅啦。先黎嘅系特饮，我拣左依只比较梦幻嘅Los Angeles，捞两捞会变咗紫色！饮落去味道就系蜂蜜柠檬只味，属醒胃饮品，夏日清新饮品。有唔同颜色之余，最抢眼就系入面放左盏灯仔, 有些少似太空feel嘅感觉，影相放闪都应该有佢啦! 味道就系蜂蜜柠檬只味，属醒胃饮品。跟著黎既系7成熟牛眼扒，呢个定价比较贵$198，但上到枱觉得都抵食的！因为块扒真系好大份，口感香甜多汁，咬下去很有嚼劲，肉质有咬口肉味都够香浓，切开仲有一抹粉红，留有适当的肉汁不会过熟，感觉都唔错。 加上轻烤过的蔬菜，感觉更平衡，这到菜真系非常好味，而且卖相也是相当吸引人的，非常值得推荐。另一个主菜系德州烧烤汉堡，牛肉汉堡好好味，配左炸洋葱粒同溶左嘅芝士, 冇得弹! Side dish 炸薯条都好新鲜, 食完依个都真系饱哂。整体服务水平不错，价钱都不算太贵，行可爱路线，尤其小朋友应该几中意。