Lemongrass (已結業)

最近朋友话我知大角咀个头开咗间好味嘅泰国菜餐厅，身为食货嘅我哋梗系唔执输要去试一试喇。餐厅位于奥海城二期，奥运地铁站一出就系，行完街再去食野，位置真系非常方便又易揾。门口装潢已经好有置身泰国既感觉，小佛像加上丛林设计，灯光就采用乌丝灯胆设计，配搭起嚟成个环境又几特别。我哋一行四人坐咗入去最入面嘅四人位，谂住坐最入会冇人理，点知我哋举手叫人佢哋都会即刻过嚟。我哋点咗炭烧猪颈肉、L.G.特定拼盘、泰式蟹肉炒饭、马拉盏炒椰菜苗、金边粉、椰青同埋泰国珍多冰。😍炭烧猪颈肉菜如店名，香嫰嘅猪颈肉配上浓浓嘅香茅酱汁，惹味十足！几个吃货瞬间清碟。😋L.G.特定拼盘适合心大心细嘅我哋，大家唔洗谂唔洗争，可以一次过试哂串烧、生菜包、酸辣凤爪等多种小食。🤤泰式蟹肉炒饭系令我惊喜一道嘅菜色，就咁望落去有啲似茶餐厅嘅炒饭咁，但我食左一啖就知系唔同㗎。佢将中式嘅炒饭加入小小泰式风味，再落埋d蟹肉，简直回味无穷。马拉盏炒椰菜苗超级鲜嫰，加上有鲜味满分嘅马拉盏，连埋蟹肉炒饭一齐食超正。超有卖相嘅金边粉一上到枱，钟意呃like嘅朋友就话一定要手机食先。香口嘅蛋皮包住有𡁻头嘅金边粉，仲有鲜咸嘅鱼露味同埋微酸嘅青柠汁，内外