影片
更多
2016-03-10
405 浏览
要踢走Monday blue最直接就系放工去食好嘢！朋友睇中左呢间Chateau Aqua嘅新鲜生蚝platter好耐！好似话单叫都要成$65只架！platter 有半打$318 同一打$628 ! 咁真系叫platter抵啲㖞～ Oyster Platter (6pc) $318店员介绍说所有生蚝均来自法国。而且仲系即叫即开！会保留返蚝内的海水，也不会用水清洗，保证做到每只都新鲜可口，原汁原味。我地拣左以下三款生蚝 :- Ostra Or 好好好新鲜!! 因为保留左壳内嘅海水，所以较出面一般食到嘅重咸味同矿物质味。质感鲜美爽口，十分滑溜! 呢个嘅after taste比较short lasting and clear finish.- Pousses外形较修长和窄身，比起Ostra Or较重泥土和矿物味，口味较浓after taste亦较为持久， 感觉比Ostra Or更重海水味。但系因为够新鲜，食落口好fresh好creamy， 好似啱啱喺海到捞上黎即开即食咁。- Special Claire我反而比较喜欢这品种，海水和矿物味比前两款轻。新鲜肥美之余连柱位都好有咬口，好Crea
要踢走Monday blue最直接就系放工去食好嘢！朋友睇中左呢间Chateau Aqua嘅新鲜生蚝platter好耐！好似话单叫都要成$65只架！platter 有半打$318 同一打$628 ! 咁真系叫platter抵啲㖞～
Oyster Platter (6pc) $318
店员介绍说所有生蚝均来自法国。而且仲系即叫即开！会保留返蚝内的海水，也不会用水清洗，保证做到每只都新鲜可口，原汁原味。
我地拣左以下三款生蚝 :
- Ostra Or 好好好新鲜!! 因为保留左壳内嘅海水，所以较出面一般食到嘅重咸味同矿物质味。质感鲜美爽口，十分滑溜! 呢个嘅after taste比较short lasting and clear finish.
- Pousses外形较修长和窄身，比起Ostra Or较重泥土和矿物味，口味较浓after taste亦较为持久， 感觉比Ostra Or更重海水味。但系因为够新鲜，食落口好fresh好creamy， 好似啱啱喺海到捞上黎即开即食咁。
- Special Claire我反而比较喜欢这品种，海水和矿物味比前两款轻。新鲜肥美之余连柱位都好有咬口，好Creamy & juicy.
Smoked salmon with baby asparagus $68
- 首先啲沙律菜好爽甜新鲜，餐厅更特别选用比较幼身的泰国芦笋，口感好嫩而且完全冇渣，好好食。
- 而烟三文鱼则每块都带有浓郁的烟熏香味，惹味又creamy! 真系食多几块都唔会厌。
- 就连底部嘅沙律酱同黑醋酱汁都做得好好 ~ 同食物相当配合，令人胃口大开。
Pan Fried Foie Gras with Black Truffle Pate $88
- 厚切香煎鹅肝配黑松露酱! 块鹅肝真系大到好似块扒咁! 煎到表面焦糖色带小小㶶，油香四溢，外层香脆惹味，内里软滑而充满油份，而且还是微暖的，感觉好幸福呀!
- 同样地，沙律菜好清新，可以清一清鹅肝留在口腔的油腻感。另外底部有数片煎香了的苹果片，又几特别㖞~ 煎香左嘅苹果片表面带有小小果糖，食落甜甜地，但中间依然保持爽口，做到好食又清爽，用黎配鹅肝呢个idea几好~
Baked codfish in Provence Style $268- 呢道烤鳕鱼柳做得相当出色! 异常地鲜嫩美味。鳕鱼柳外皮焗到金黄香脆，再撤上炸脆粒粒令口感更加丰富。 而鱼肉则是又白又嫩，好似系清蒸出来的质地一样。肉质非常非常滑溜! 加上鱼皮本身的油份，简直是入口即溶! 食得出鱼肉好新鲜，扒开后片片分明又够juicy *v* 配返个意大利香草汁，超级美味 ! 另外呢间餐厅嘅伴菜真系做得几好，一点都唔马虎。而呢碟嘅焗薯真系好香口好好食 ! 如果有得单点我应该会点 XDD
Porcini Risotto $188
- 哗... 牛肝菌意大利饭配大大块parma ham...好邪恶呀...坦白讲系好啱我口味，有时去D正宗意大利餐厅食risotto都会觉得有点太生太硬，而呢间嘅厨师为左迎合返香港人口味，会专登煮得腍D，粒粒都软棉棉好有咬口，啱晒我。呢碟意大利饭份量唔算好大份，但就用料十足，大大粒的杂菌几乎每一啖都有。而D菇仲要系好新鲜多汁，就好似系刚啱采摘咁，好有菇味。个白汁就煮得好香浓，吸收晒牛肝菌同其他杂菌嘅香味，重点系个汁唔会煮得好干，足够包围每一粒米饭之余仲有小小净。真系每一啖饭都好香好creamy !
而另一卖点 - 特大Parma ham略为咸左D啦，有小小抢左意大利饭嘅色彩。建议ham嘅份量可以细返D，或者转用干嘅ham可能会好小小。再唔系块ham可以分开上，配返块哈密瓜，食食下饭又咬一啖感觉应该会几正 XDD
Tiramisu $58
- 有别于一般的tiramisu，呢款中间有较多whip cream，口感也偏甜，缺了点咖啡粉和rum酒味。但都算唔错好食。
侍应们都非常热情友善，服务我们的男孩会不时来询问用餐情况、食物质素等。而且很乐意提供点菜建议，令整个用餐环境很舒适休闲，轻松愉快。
张贴
