慢煮工業 (已結業)

实习咁辛苦，终于等到红日前夕，要同朋友聚一聚！！注意系太子有两间分店，有两个友人去错咗地方，故事教训食饭𠮶阵时要睇清楚啦～～由于太攰，所以都费事睇餐牌，4个人点咗威灵顿牛扒同一个二人餐，再额外加两杯饮品。威灵顿牛柳本身系要预订，好好彩临时问店员都有提供，4个人入面，包括我在内都系第一次食威灵顿牛柳，珍贵嘅第一次呀！因为系第一次食，唔知乜嘢先系煮得好。牛柳上嘅鹅肝酱好香，最可惜牛柳食落少少韧。求解答旁边烤左嘅蒜头系点食㗎🙈二人餐好丰富，有墨西哥辣粟米温泉蛋沙律、安格斯西冷牛扒、烤猪仔骨两支、烤猪仔髀两支，同埋西西里肉酱意芝士焗意粉。牛扒不过不失。因为同朋友happy share，所以冇食到猪仔髀，食咗猪仔骨。猪仔骨够入味，系唔会出错嘅BBQ 酱，肉质唔会好嚡。西西里肉酱意芝士焗意粉好多芝士，仲有拉丝效果。每一口意粉都充满肉酱。最后配埋Mojito润下喉，因为餐厅环境比较嘈，要好大声先倾到计。不过，可以放声倾下是非都不失为一个减压好方法。利申：唔系因为周杰伦𠮶首Mojito先点。